Birinshiden, «Qazaqstan» Ulttyq arnasynda, 16 jeltoqsan kúni saǵat 11:05-te tikeleı efırde Qazaqstannyń Táýelsizdik jyldaryndaǵy damýy men álemdik saıası arenadaǵy orny jáne ekonomıkalyq jetistikterine arnalǵan «Táýelsizdik tuǵyrym» atty arnaıy jobasy kórsetiledi. Halyqty jańa ındýstrıaldy jobalarmen tanystyryp, mańyzdylyǵyn jetkizý maqsatynda «Qazaqstan today» jobasynyń aıasynda «Igraphic» dızaın-bıýrosymen birigip ázirlengen beınerolıkter toptamasy men Táýelsizdik kúnine arnalǵan ınfografıka usynylady.
Ekinshiden, 15 jeltoqsan kúni saǵat 17:30-da elimizdiń egemen el bolǵaly baǵyndyrǵan belesteri jaıly túsirilgen «Qazaqstannyń Táýelsizdik jyldary jetken jetistikteri» týyndysy kórermenge jol tartady. Al, 17 jeltoqsan kúni saǵat 15:10-da Qazaqstannyń kóliktik-tranzıttik áleýetin arttyrýǵa baǵyttalǵan aýqymdy jobalardy sıpattaıtyn «Nurly jol» derekti fılminiń tusaýkeseri ótedi. Sonymen qatar, merekelik kúnderi Ulttyq arna tórinen tarıhı derekti fılmder de oryn alady. 17 jeltoqsan kúni 12:40-ta kórermender Azattyq jolynda qazaq halqynyń kúresin sýretteıtin «Alash alyptary» týyndysyn tamashalaıdy.
Úshinshiden, «Qazaqstan» Ulttyq telearnasynyń tapsyrysymen daıyndalǵan, elimizdiń qaýipsizdigin qamtamasyz etetin arnaıy qyzmet qurylymdarynyń jankeshti eńbegin sıpattaıtyn «Teketires» atty 4 bólimnen turatyn televızııalyq kórkem telehıkaıa usynylady. Qazaqstan Respýblıkasy Ulttyq Qaýipsizdik Komıtetiniń 25 jyldyǵyna oraı arnaıy túsirilgen týyndy 18-19 jeltoqsan kúnderi saǵat 13:15-te 2 bólimnen qatar kórsetiletin bolady.
Tórtinshiden, osyndaı aıtýly kúnderi Ulttyq arnanyń mega-jobalarynyń aqtyq bólimderi josparlanǵan. Ulttyq arna kórermenderinde 16 jeltoqsan 21:30-da "Silk Way Star" jobasynyń fınalyn jáne 17 jeltoqsan 20:55-te "Men Qazaqpyn" halyqaralyq mýzykalyq jobasynyń gala-konsertin tamashalap, joba jeńimpazdarymen tanysý múmkindigi týady.
Sonymen qatar, merekelik kúnderi sport súıer qaýymǵa tamasha tosyn syı daıyndaýda. Ulttyq kúres jankúıerleri úshin arnaıy «Eýrazııa Barysy - 2017» halyqaralyq týrnıriniń tikeleı kórsetilimi 16 jeltoqsanda 13:00-de bastalady.
Arnaıy televızııalyq jobalar aımaqtyq telearnalarda da josparlanǵan.
