«EHRO-2017» forým nazarynda

Halyqaralyq mamandandy­rylǵan EXPO-2017 kórmesin ót­kizý quqyǵyna Astana qalasynyń ótinimin jyljytý jáne ilgeriletý jónindegi ulttyq jobasy el­ordada ótken Qazaqstan halqy Assambleıasy ótkizgen Áleýmet­tik jaýapkershilik forýmyna qa­tysty. «EKSPO-2017» jobasynyń jáne Qazaqstan halqy Assam­bleıasynyń ortaq maqsaty qoǵam­nyń eń joǵary dárejede birigýin qalyptastyrý jáne ulttyq birlikke umtylý bolyp tabylady. Sondyqtan bul kórme ulttyq uıymdasýdyń biriktirýshi ózegine aınalýy múmkin. Biz «EXPO-­2017» kórmesin Astana qalasynda ót­kizý bastamasyn tolyqtaı qol­daımyz, deıdi forýmdy uıym­das­tyrýshylar. Forýmda kópshi­lik nazaryna usynylǵan EXPO- 2017 stendi halyqaralyq maman­dandyrylǵan kórmeniń «Bolashaq energııasy» taqyrybyn baıan­daı­dy. Sondaı-aq stendten aldyn-ala júrgizilip jatqan úgit-nası­hat naýqany, Astana qalasynyń 2017 jyly kórmege qatysýshy 100 elden keletin 5 mln. týrısti qabyldaý múmkindigi týraly da bilýge bolady. Al arnaıy «EXPO-2017 tilekter kitabynda» kez kelgen adam óz tilegin jazyp, joba tarıhynda óz qoltańbasyn qaldyra alady. «EXPO-2017» jobasynyń Qa­zaqstan halqy Assambleıasy ót­kiz­gen Áleýmettik jaýapkershilik forýmyna qatysýy Qazaqstan úshin óte mańyzdy bop sanala­tyn mamandandyrylǵan kórme sha-rasyna qoǵamnyń barlyq top­tarynyń nazaryn aýdarýǵa múmkindik berdi. «EXPO-2017» kórmesin ótki­zý quqyna ıe bolǵan el 2012 jyldyń aıaǵynda Halyqaralyq kórme bıýrosynyń barlyq 157 múshe-elderi qatysyp, daýys berýimen anyqtalady. Ázirshe Astana, dálirek aıtsaq, búkil Qa­zaqstan óz kandıdatýrasyn qol­daýǵa daýystar jınaý maqsa­tyn­da jumystar júrgizý ús­tinde. Venera TÚGELBAI.