Astana qalasynyń ortalyqtandyrylǵan kitaphanalar júıesi men oqý oryndary kitaphanalarynyń ókilderine qazaq, orys jáne aǵylshyn tilderinde jazylǵan Aldan Smaıyldyń «Astana óner ordalary» men qazaq, orys tilinde jazylǵan Zııabek Qabyldınovtyń «Astana tarıhy» atty kitaptardyń myńnan astam danasyn Ishki saıasat basqarmasynyń Erlan Kanalımov tapsyrdy.
Onyń atap ótýinshe, «Rýhanı jańǵyrý» baǵdarlamasynyń aıasynda kelesi jyly taǵy da 10-15 shaqty kitap baspadan shyqpaq.
«Elbasymyzdyń «Bolashaqqa baǵdar: rýhanı jańǵyrý» baǵdarlamalyq maqalasynda aıqyndaǵan mindetterdi júzege asyrýdyń sheńberinde kóp jumys atqaryldy. 4-5 aıdyń ishinde biz biraz sharýa jasadyq. Osy baǵdarlamanyń aıasynda biz Astana qalasynyń Jastar saıasaty máseleleri, Mádenıet, muraǵattar jáne qujattama, Tilderdi damytý, Bilim basqarmalarymen birigip, kelesi jyly taǵy da 10-15 shaqty ólke tarıhy, ár ýaqyttaǵy elordanyń áleýmettik-ekonomıkalyq damýy, onyń jańa beınesi aınasyn tabatyn kitaptardy basyp shyǵarýdy maqsat etip otyrmyz. Aldaǵy ýaqytta ol kitaptardy tek elordanyń kitaphanalar júıesine ǵana emes, mektepter men kolledj, joǵary oqý oryndarynyń kitaphanalaryna da syıǵa tartamyz», - dedi Erlan Kanalımov.
Elorda kitaphanalarynyń ókilderi óz kezeginde mundaı aksııalardyń joǵary mańyzdylyǵyn atap ótti.
