Sýret: Qaraǵandy oblysy ákimdiginiń saıtynan alyndy
Eńbek jáne halyqty áleýmettik qorǵaý mınıstri Tamara Dúısenovanyń aıtýynsha, barlyǵy 684 shahter belsendi narazylyq tanytty. Oblys ákimdigi men kompanııa basshylyǵy jaǵdaıǵa aralasqan soń, ár shahtadan tórt adamnan 32 ókil shyǵyp kelissózderge qatysty.
Qaraǵandy oblysy ákimi baspasóz qyzmetiniń habarlaýynsha, 12 jeltoqsan kúni oblys ákimi Erlan Qoshanovpen kezdesý úshin «ArselorMıttal TMD» kompanııasynyń bas dırektory Paramjıt Kalon Qaraǵandyǵa keldi.
«Kompanııa usynǵan sharttardyń talqylanýy 23:00 ýaqytynda aıaqtalyp, odan soń óńir basshysy «ArselorMıttal Temirtaý» AQ atqarýshy dırektory Vadım Basınmen birge shahterlermen kezdesýge bardy. 00:30 ýaqytynda Erlan Qoshanov «Shahtınskaıa» shahtasyna túsip, eki saǵattyq kelissóz júrgizip, nátıjesinde 59 adam joǵary kóterildi.» - deıdi baspasóz qyzmeti.
Dál osyndaı kelissózden soń, «Tentek» shahtasynan 76 adam joǵary kóterildi. Túngi saǵat úshte oblysy ákimi «Tentek» shahtasynda kompanııa basshylyǵynyń, kásipodaqtardyń, brıgadırlerdiń qatysýymen shahterlerdiń talaptary men kompanııanyń usynystaryn talqylady. Bir saǵattan soń, ákim «Lenın» shahtasyna baryp, 19 adamdy shahtadan alyp shyqty. Tańǵy saǵat 06:00 de ákim «Qazaqstan» shahtasyna baryp, kenshilermen kezdesti.
Nátıjesinde, jeltoqsannyń 12-nen 13-ne qaraǵan túni 154 shahter joǵary kóterildi.
Sonymen qatar, baspasóz qyzmetiniń habarlamasynda, «Áleýmettik jelilerde Shahtınsk aımaǵynda shahterlerdiń qamaýǵa alynǵany jaıly habarlamalar taratylýda. Oblystyń ishki ister departamenti Shahtınsk aımaǵynda eshkimniń qamaýǵa alynbaǵanyn málimdeıdi. Polısııa azamattardyń arandap qalmaýyn suraıdy» delingen.
