Tumandy Albıonda top jarsaq jarar edi

Jaqynda Semeı qalasynda Qa­zaqstannyń eńbek sińirgen jat­­tyqtyrýshysy Bolat Turly­­­­qa­­nov memorıalynyń aıasynda grek-rım kúresinen QR kýbogy bolyp ótti. Bul dúbirli jarys osymen 17-shi ret ótip otyr. London Olım­pıa­dasy aldyn­da­ǵy mańyzdy ja­rysty Semeı qalasynyń ákimi Aıbek Kárimov ashyp: Halqy­myz­dyń dańqty ba­lýany Dáýlet Tur­lyqanovty tár­bıelep, baptaǵan Bolat aǵany eske alýǵa arnalǵan el kýbogy jarysy jyl saıyn tartysty ótedi. Bul joly da kileń sen tur, men ataıyn deıtin sańlaqtar jı­nalyp otyr. Ja­rys­qa qatysyp otyrǵan 149 balýan­nyń bári myq­­­ty. Endeshe sizderge sáttilik tileımin. Lon­don Olım­pıa­dasy ıek astyn­da, qazaq eliniń kók baıraǵyn asqaqtata beri­ńiz­der – dedi. – Erke Ertistiń boıyndaǵy qos qala О́skemen men Semeıdiń ekonomıkasy qatar damyp keledi. El Táýelsizdiginiń 20 jyldyǵy qarsańynda oblys ákimi B.Saparbaevtyń bastamasymen talaı ıgi sharalar ótip jatyr. Sonyń biri – kesheden beri Semeıde «Týǵan elge – taǵzym» aksııasy boıynsha ótip jatqan mádenı shara kúnderi. Eki kún boıy Semeıdi án men kúıge bóledik. Aýyl sharýa­shy­ly­ǵy jármeńkesi ótýde. Al mynadaı dúbirli ja­rys­ty tamashalaýdan qalaı tys qalaıyq? Dáýlet inimizdiń ákesi Bolat aǵany jaqsy bilemiz, kezinde ol kisi de san ret el birinshiliginde top jarǵan. Endeshe jas urpaqtyń alatyn ónegesi de az emes, – dep aǵynan jaryldy О́skemen qalasynyń ákimi Islam Ábishev. Budan keıin Olımpıada chempıony Jaqsylyq Úshkempirov pen Dáýlet Bolatuly sóz alyp, ký­bok­ty sarapqa salýshy balýandarǵa sáttilik tiledi. Grek-rım kúresiniń balýandary qazir Olımpıada oıyndarynyń úsh joldamasyna ıe. Al erkin kúres, qyzdar kúresi boıynsha balýandar taǵy alty joldamany jeńip alǵan. Keler jyly kók­temde Astanada lısenzııa beretin Azııa halyq­ara­lyq jary­sy ótpek. Sol dúbirli básekede taǵy 9 lısenzııany ıelensek, asyǵymyz alshysynan tú­sedi, – dedi Dáý­let Turlyqanov. Budan keıin ol bap­ker A.Qa­sym­janovqa QR eńbek sińirgen jat­tyqtyrýshysy ata­ǵyn tabys etti. Al Jaq­sylyq Úshkem­pirov ózi­niń tuńǵysh bapkeri Rom Ilmatovqa ata saltymen shapan jaýyp, syı-sııapat jasady. Semeı qalasynyń ónerpazdary akrobatıkadan óner kórsetip, ulttyq naqyshta bı bılep, ánnen shashý shashqan soń jarys bastalyp ketti. Oıdy oı qozǵaıdy. Baký qalasynda ótken Álem birinshiliginde grek-rım kúresi balýandary birneshe medaldi ıelendi. Alaıda 1996 jyly Atlanta Olımpıadasynan keıin balýandarymyz altyn alqany tústerinde ǵana kóretin boldy. Sol joly tek Iý.Melnıchenko altynǵa qol jetkizgen. Endeshe Londonda sol kemshiliktiń ornyn toltyra alamyz ba? Memlekettik jattyqtyrýshy Jańabergen Qar­mandaevtyń aıtýynsha, bul joly kýbok jary­synda jastar jarqyrap kórinýi tıis. Aqtóbelik Ashat Qudaıbergenov, ońtústikqazaqstandyq Marat Kárishalov, almatylyq Alqadyl О́ztıev, asta­na­lyq Eldar Qaıratov, taǵy basqalar babynda kó­ri­nedi. Kúni erteń olar tumandy Albıonda top ja­ryp jatsa, taqııaǵa tar bolmas edi. Rasynda da, aq­tyq saıysta beldesken Marat Kárishalov pen Jaq­sy­lyq Aıtbaevtyń taktıkalyq sheberligi men ádisi teń boldy desek, qatelespeımiz. Alaıda Marat sál basymdyq tanytyp, jeńiske jetti. Al 66 kılo sal­maq­ta Eldar Qaıratov (Astana) Almaty obly­sy­nyń ókili belgili balýan Darhan Baıahmetovten bir upaı ǵana basym túsip, chempıondyq ataqty qaǵyp ketti. Darhan qyzýqandylyq tanyt­qanymen sońy­nan sa­byrǵa túsip, jeńilgenin moıyndady. Budan keıin óz salmaq dárejelerinde E.Qońyratov, M.О́z­tı­ev, A.Dinmuhamedov tárizdi balýandar jeńimpaz atandy. Komandalyq esepte birinshi oryndy Ońtústik Qazaqstan oblysynyń balýandary ıelendi. Qos­tanaı jáne Almaty oblystarynyń balýandary ekinshi, úshinshi oryndarǵa taban tiredi. Kýbok jarysynan baıqaǵanymyz, bir kezderi Shyǵystyń jigitteri top jaratyn. Osy joly tórtinshi or­yn­ǵa áreń ilikti. Moıyndaý kerek, Asqar Mojanov ob­lystyq dene tárbıesi jáne týrızm basqar­ma­syna jetekshilik etken tusta talaı talantty balýandar, tipti basqa sport túrleri mamandary men talantty tarlandar kúnkóris qamymen basqa óńirlerge aýysyp ketti. Bul kemshiliktiń ornyn basqarmanyń jańa bastyǵy Marat Súleımenov toltyrady degen oıdamyz. Oǵan Marattyń sheberligi men biliktiligi jetedi. – Shynynda da, kóptegen sportshylar basqa jaq­qa túrli sebeptermen aýysyp ketken. Aıbek Eńsehanov, Dosjan Kartıkov, Áset Mámbetov, Ma­rıd Mýtalımov, Darhan Baıahmetov sekildi jer­lesterimiz basqa oblystardyń namysyn qor­ǵap júr. Talantty sportshylardy keri qaıtaryp alyp jaǵdaılaryn jaqsartýǵa tyrysýdamyz. Al bizdiń Olımpıada úmitimiz úsh ret qarǵyp sekirýden álem chempıony Olga Rypakovadan, aýyr atletıkada Dmıtrıı Kaplınnen, Londonda altyn alqa kú­te­miz. Basqa sańlaqtar da oǵan úles qosady degen úmit­temiz, – deıdi oblystyq dene tárbıesi jáne týrızm basqarmasynyń bastyǵy Marat Súleımenov. Dittegen mejeden shyqtyq dep oılaımyz. Úmit kútken jastar senimdi aqtady. Nurmahan Tinalıev Máskeýde ataqty balýandarmen birge London Olım­pıadasyna arnaıy jattyǵýda. Olardy bul jarysqa qatystyrmadyq. Keler jyly kóktemde Astanada ótetin halyqaralyq jarysta taǵy 9 lısenzııany jeńip alsaq, utarymyz anyq, – deıdi ataqty balýan Dáýlet Turlyqanov. Ońdasyn ELÝBAI. Semeı. –––––––––––– Sýrette: marapattaý.