Shymkenttegi kondıterlik fabrıka jańa óndiristik jelisi arqyly osy jyldyń on aıynda 274,6 mıllıon teńge bolatyn 200 tonnadan astam ónim óndirgen.
Ońtústikqazaqstandyqtar búginde otandyq ónimdi tutynýǵa qumbyl. Bul oraıda ındýstrııalyq-ınnovasııalyq damytýdyń 2015 - 2019 jyldarǵa arnalǵan memlekettik baǵdarlamasy aıasynda iske qosylǵan «Rahat-Shymkent» JShS-niń jańa zamanaýı óndirisi tutynýshy suranysyna saı ónim shyǵarýda. Fabrıkanyń jyldyq qýattylyǵy 23 myń tonna. Ońtústik Qazaqstan oblysynyń ákimi Janseıit Túımebaev kásiporynnyń jumysymen tanysyp, baǵdarlamanyń óńir úshin mańyzy zor ekenin atap ótti.
Seriktestik dırektory Abdýkarım Boranovtyń málimdeýinshe, joǵary sapaly jáne básekege qabiletti ónim shyǵarýǵa kompanııa ınvestısııa quıyp keledi. «Rahat-Shymkent» JShS-i kásipkerlikti qoldaý kartasy aıasynda jańa vafel shyǵaratyn óndiristik jelini iske qosqan. Jobany jańǵyrtý maqsatynda 850 mıllıon teńge jumyldyrylyp, 28 jumys orny ashylǵan. 2001 jyly jumysyn bastaǵan zaýyt óz ónimderin TMD men Eýropa elderine, Qytaı men Mońǵolııa naryǵyna shyǵaryp otyr eken. Iаǵnı, otandyq ónim álemdik standarttarǵa saı.
Sońǵy úlgidegi qondyrǵylarmen jabdyqtalǵan zaýyt búginde 30-dan astam ataýmen 4 túrli ónim óndiredi.
Ǵalymjan ELShIBAI,
«Egemen Qazaqstan»
