Jármeńkege 150 kásipker qatysty. Onyń 130-y «Saraıshyq» bazarynda turaqty túrde ónimderin usynyp júrgen kásipkerler, al qalǵan 20-sy kóterme saýdamen aınalysatyn kásipkerler. Sondaı-aq, Mahambet, Inder aýdandarynan kelgen kókónis satýshylary óz ónimderin halyqqa usyndy.
Atyraý qalalyq kásipkerlik jáne týrızm bólimi basshysynyń mindetin atqarýshy Altynaı Sársenqyzynyń aıtýynsha, jármeńkedegi ónimder qazirgi bazar naryǵynan 20-30 paıyzǵa arzan baǵamen satylyp jatyr. Ádette et 1500 teńge bolsa, búgingi baǵa 1300-1350-ge túsken, qazyǵa 2000, jumyrtqaǵa 19 teńge baǵasy qoıyldy. Al alǵashqy 45 mınýtta satylǵan 5 tonna kartop saýdany qyzdyra tústi.
«Búgingi jármeńkede ár kásipker ártúrli jeńildikter jasap jatyr. Sol úshin bul jármeńkeniń ótkizý ýaqyty halyqtyń yńǵaıyna qaraı tańdaldy. Sondaı-aq, bul jerge jınalǵan kóp turǵynnyń baryp-kelýin arnaıy eki marshrýt qamtıdy. Tutynýshylardy tasıtyn Saraıshyq bazary-Avangard yqsham aýdany, Saraıshyq bazary-Akademııa aıaldamasy aralaryn jalǵaıtyn 6 avtobýs bólindi»,-dep málimdedi Atyraý qalalyq kásipkerlik jáne týrızm bólimi basshysynyń mindetin atqarýshy Altynaı Sársenqyzy.
Aıta keteıik, halyqtyń usynysy boıynsha erteń kúndiz de jármeńke jalǵasyn tabady. Jańa jyl qarsańynda taǵy da osyndaı jármeńke ótkizý josparlanýda.
Baqytgúl BABASh,
«Egemen Qazaqstan»
