Aıta keteıik, bıylǵy jyly Prezıdenttik jańa jyldyq shyrsha Astananyń 20 jyldyǵy aıasynda «Asqaq ordam – Astana» taqyrybyna arnalǵan.
Merekelik sharaǵa 9-13 jas aralyǵyndaǵy jetim jáne ata-anasynyń qamqorlyǵynsyz qalǵan, az qamtylǵan jáne kóp balaly otbasylardyń jəne oqýda, sportta, shyǵarmashylyq nemese qoǵamdyq ómirde tabysqa jetken daryndy balalar - barlyǵy 850 bala qatysty.
Merekelik shara barysynda Qazaqstan Respýblıkasy Prezıdentiniń beınetaspa arqyly balalarǵa arnalǵan jańa jyldyq jyly quttyqtaýy kórsetildi. Sonymen qatar, oblys ákimi Nurlan Noǵaev ta balalardy jańa 2018 jylmen quttyqtady.
- Qurmetti balalar, biz sizdermen maqtanamyz. Sizder bizdiń bolashaǵymyzsyzdar. Búgingi kúni oblysymyzda 116 myń oqýshy bilim alýda. Elbasynyń tapsyrmasy boıynsha sizderdiń jaqsy bilim alýlaryńyz úshin barlyq jaǵdaı jasalǵan, mektepter men balabaqshalarda zamanaýı texnologııalar, texnıkalyq jabdyqtar qoldanylýda. Sizderdiń mindetterińiz ata-analaryń, ájeleriń men atalaryńnyń artqan úmitin aqtaý úshin barlyq múmkindikterdi paıdalaný. 2017 jyly sizder óte jaqsy eńbektendińizder. Keler jyldy da jańa jetistikter men úlken jeńistermen qarsy alýlaryńyzdy tileımin!
Kesh barysynda balalarǵa ertegi áleminiń keıipkerleri merekelik qoıylym kórsetip, balalarmen birge jańa jyldyq shyrshany aınalyp, án aıtyp, bı bılep, túrli qyzyqty oıyndar oınatty.
- "Maǵan búgingi shyrsha qatty unady. Bul jerde Aıaz ata, Aqshaqar jáne kóp balalar bar. Merekelik sharadan alǵan jylý men qýanysh sezimi júregimdi uzaq ýaqytqa qalady. Men barlyq adamdardy jańa jylmen quttyqtaımyn!" - deıdi Erkinqala orta mektebiniń oqýshysy Perızat Bazylxan.
Balalardyń árqaısysyna Qazaqstan Respýblıkasy Prezıdentiniń atynan: qysqy kıim, aıaq kıim, sporttyq kıim, oqý quraldary jáne tátti syılyqtar tabystaldy.
