Ádebı sharaǵa Taraz qalasyndaǵy mektepterdiń ádebıet pen til mamandary, belsendi oqýshylary qatysyp, shyǵarma tóńireginde pikir bildirdi. Sonymen qatar atalǵan kitaphana dırektory Gúlfaırýz Ińkárbekova, Taraz ınnovasııalyq-gýmanıtarlyq ýnıversıtetiniń aǵa oqytýshysy Meńdibaı Ábilovter qazaq ádebıetinde aıtýly orny bar shyǵarma tóńireginde oı bólisti. Aqynnyń «Adasqan ómir», «Kedeı» shyǵarmalary jóninde de birqatar pikirler aıtyldy.
Shara barysynda til mamany Jumaǵalı Mahanbetov «Qamar sulý» romanyndaǵy keıipkerler daralyǵyna baılanysty oıyn aıtsa, Ánel Altynbekova, Áıgerim Raıysova syndy mektep oqýshylary shyǵarmadan úzindiler oqydy. HH ǵasyr basyndaǵy qazaq dalasyndaǵy áıel teńsizdigin, ádiletsizdikti arqaý etken shyǵarmadaǵy Ahmet pen Qamar beınesi kópshilikti beıjaı qaldyrmady. Eki jastyń arasyndaǵy ińkár sezim arqyly órilgen shyǵarma shyndyǵy jaıly da kópshilikke málimet berildi.
Hamıt ESAMAN,
«Egemen Qazaqstan»
Jambyl oblysy
