Jańa ákimdi tanystyrý kezinde aımaq basshysy laýazym ıesiniń jumysyna sáttilik tilep, turǵyndardyń ál-aýqatyn jaqsartý úshin áleýmettik-ekonomıkalyq baǵytyndaǵy jumystardy kúsheıtýdi tapsyrdy. Sondaı-aq, Elbasy tapsyrmalaryn merzimdi ári nátıjeli oryndaýdy jáne «Bolashaqqa baǵdar: rýhanı jańǵyrý» baǵdarlamalyq maqalanyń júzege asyrlýyn basty nazarǵa alýdy mindettedi.
T.Q.Musaev 1958 jyly týylǵan, bilimi joǵary, mamandyǵy boıynsha biliktiligi ınjener- mehanık. Eńbek jolyn 1982 jyly Abaı kolhozynyń mashına sheberhansynyń meńgerýshisi retinde bastaǵan.
1985-2013 jyldary Kentaý qalalyq avtokólik parkiniń ınjeneri, Túrkistan aýdandyq aýylsharýashylyq basqarmasynyń bas ınjeneri, Túrkistan aýdandyq agrarlyq-ónerkásiptik birlestiginiń ınjeneri, Túrkistan qalalyq aýyl sharýashylyq basqarmasynyń bas mamany, Túrkistan qalalyq aýyl sharýashylyq bóliminiń bas mamany, Túrkistan qalalyq aýyl sharýashylyq jáne jer qatynastary bóliminiń bas mamany, Túrkistan qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń bastyǵy, Túrkistan qalasy Iassy aýyldyq okrýginiń ákimi, Túrkistan qalalyq aýyl sharýashylyǵy bóliminiń basshysy, Túrkistan qalalyq aýyl sharýashylyǵy jáne jer qatynastary bóliminiń basshysy qyzmetin atqarǵan.
2013 jyldyń qazan aıynan bastap Túrkistan qalasy ákiminiń orynbasary bolyp qyzmet etip keldi.
