2011 jylǵy 9 qyrkúıek, Astana qalasy
Qazaqstan Respýblıkasy Qorǵanys mınıstrliginiń Shoqan Ýálıhanov atyndaǵy Kadet korpýsyna qabyldaý qaǵıdasyn bekitý týraly
«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 26-babyna jáne «Qazaqstan Respýblıkasy Qorǵanys mınıstrliginiń Kadet korpýsyn qurý týraly» Qazaqstan Respýblıkasy Prezıdentiniń 1996 jylǵy 1 shildedegi № 3049 Jarlyǵyna sáıkes buıyramyn:
1. Qosa berilip otyrǵan «Qazaqstan Respýblıkasy Qorǵanys mınıstrliginiń Shoqan Ýálıhanov atyndaǵy Kadet korpýsy» respýblıkalyq memlekettik mekemesine qabyldaý qaǵıdasy bekitilsin.
2. Qazaqstan Respýblıkasy Qorǵanys mınıstrligi Áskerı bilim jáne ǵylym departamentiniń bastyǵy:
1) zańnamada belgilengen tártippen osy buıryqty memlekettik tirkeý úshin ádilet organdaryna joldasyn;
2) memlekettik tirkeýden ótkizgennen keıin buıryqty resmı jarııalaý úshin buqaralyq aqparat quraldaryna joldasyn.
3. Buıryq alǵash resmı jarııalanǵan kúnnen bastap on kúntizbelik kúnnen keıin kúshine enedi.
4. Buıryqtyń oryndalýyn baqylaý Qazaqstan Respýblıkasy Qorǵanys mınıstriniń orynbasary Á.Q.Qurmanǵalıevqa júktelsin.
5. Buıryq laýazymdy adamdarǵa, olarǵa qatysty bóliginde jetkizilsin.
Á.JAQSYBEKOV.
Qazaqstan Respýblıkasy Qorǵanys mınıstriniń 2011 jylǵy 9 qyrkúıektegi №367 buıryǵymen bekitilgen
Qazaqstan Respýblıkasy Qorǵanys mınıstrliginiń Shoqan Ýálıhanov atyndaǵy Kadet korpýsyna qabyldaý qaǵıdasy
1. Jalpy erejeler
1. Osy Kadet korpýsyna qabyldaý qaǵıdasy (budan ári – Qaǵıda) «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 26-babyna, «Qazaqstan Respýblıkasy Qorǵanys mınıstrliginiń Kadet korpýsyn qurý týraly» Qazaqstan Respýblıkasy Prezıdentiniń 1996 jylǵy 1 shildedegi № 3049 Jarlyǵyna jáne Bilim jáne ǵylym mınıstriniń 2007 jylǵy 29 qarashadaǵy № 587 buıryǵymen bekitilgen Tehnıkalyq jáne kásiptik bilimniń kásiptik oqý baǵdarlamalaryn iske asyratyn bilim berý uıymdaryna qabyldaýdyń úlgi erejesine (Normatıvtik quqyqtyq aktiler tiziliminde № 5030 bolyp tirkelgen) sáıkes ázirlendi. 2. Qaǵıda «Qazaqstan Respýblıkasy Qorǵanys mınıstrliginiń Shoqan Ýálıhanov atyndaǵy Kadet korpýsy» respýblıkalyq memlekettik mekemesine (budan ári – Kadet korpýsy) oqýǵa qabyldaý tártibin aıqyndaıdy. 3. Kadet korpýsyna oqýǵa kandıdattardy qabyldaý «Respýblıkalyq bıýdjetten qarjylandyrylatyn bilim berý uıymdarynda (Qazaqstan Respýblıkasy Ulttyq qaýipsizdik komıtetiniń bilim berý uıymdarynda mamandar daıarlaýdy qospaǵanda) joǵary jáne joǵary oqý ornynan keıingi bilimi bar, sondaı-aq tehnıkalyq jáne kásiptik bilimi bar mamandar daıarlaýǵa memlekettik bilim berý tapsyrysyn bekitý týraly» Qazaqstan Respýblıkasy Úkimetiniń jyl saıynǵy qaýlysyna sáıkes júzege asyrylady. 4. Kadet korpýsy 1122000 «Áskerı basqarý» mamandyǵy boıynsha qabyldaýdy júrgizedi. 5. Kadet korpýsyna: 1) kásibı irikteýdiń barlyq talaptaryna jaýap beretin oqýǵa qabyldanatyn kúni on jeti jasqa tolǵan, biraq jıyrma bir jastan úlken emes orta bilimi (jalpy orta bilimi, tehnıkalyq jáne kásiptik bilimi), orta bilimnen keıingi bilimi bar Qazaqstan Respýblıkasynyń azamattary qatarynan adamdar, General S.Q. Nurmaǵambetov atyndaǵy «Jas ulan» respýblıkalyq mektebiniń jáne respýblıkalyq áskerı mektep-ınternattarynyń bitirýshileri; 2) kásibı irikteýdiń barlyq talaptaryna jaýap beretin jıyrma tórt jastan úlken emes jastaǵy óziniń áskerı mamandyǵy men qyzmet merziminen tys áskerı qyzmetshiler, merzimdi qyzmet áskerı qyzmetshileriniń zapasqa bosatylǵandary qatarynan áskerı mindettiler qabyldanady. 6. Azamattardy jáne áskerı qyzmetshilerdi qabyldaý olardyń ótinishteri (baıanattary) boıynsha konkýrs negizinde úsh kezeńde júzege asyrylady: birinshi kezeńde – ásker tekteriniń qolbasshylary, óńirlik qolbasshylyqtar áskerleriniń qolbasshylary, jergilikti áskerı basqarý organdarynyń bastyqtary (kandıdattyń esepke tirkelgen jeri boıynsha) oqýǵa kandıdattardy aldyn ala irikteýdi uıymdastyrady jáne júrgizedi, oǵan barlyq nıet bildirýshiler qatysady; ekinshi kezeńde – Kadet korpýsynyń qabyldaý komıssııasy kelgen talapkerlerge irikteý júrgizedi, oǵan 1-kezeńnen ótken talapkerler qatysady; úshinshi kezeńde – Kadet korpýsynyń qabyldaý komıssııasy oqıtyndar sanyna talapkerlerdi qabyldaıdy. 7. Kadet korpýsyna oqýǵa túsýge nıet bildirgen áskerı qyzmetshiler oqýǵa túsetin jyldyń 1 naýryzyna deıin áskerı bólim (mekeme) komandıriniń (bastyǵynyń) atyna baıanat beredi. Baıanatta áskerı ataǵy, tegi, aty, ákesiniń aty (bar bolǵan jaǵdaıda), atqaratyn laýazymy, týǵan jyly jáne aıy, bilimi kórsetiledi. 8. Komandır (bastyq) áskerı qyzmetshiniń baıanatyn alǵannan keıin ony oqýǵa jaramdylyǵyn aıqyndaý úshin medısınalyq kýálandyrýdan ótýge áskerı-dárigerlik komıssııaǵa jiberedi, sondaı-aq oǵan qatysty arnaıy tekserýdi ótkizýge materıaldardy resimdeıdi. 9. Áskerı qyzmetshi medısınalyq kórsetkishter boıynsha Kadet korpýsyna túsýge jaramdy dep tanylǵan jaǵdaıda komandırler (bastyqtar) áskerı qyzmetshige Kadet korpýsyna túsý kezinde mynadaı qujattardy jınaý úshin oqýǵa túsetin jyldyń 1 mamyryna deıin ýaqyt beredi: 1) Qazaqstan Respýblıkasy azamatynyń jeke kýálik kóshirmesi; 2) áskerı bılet kóshirmesi; 3) bilimi týraly qujattyń (attestattyń, kýáliktiń, dıplomnyń) kóshirmesi; 4) tolyq ómirbaıan; 5) Kadet korpýsyna oqýǵa usynymy bar qyzmet ornynan qyzmettik minezdeme (áskerı bólim qolbasshylyǵy qol qoıǵan jáne eltańbaly mórmen rastalǵan); 6) Qazaqstan Respýblıkasy Prezıdentiniń 2007 jylǵy 5 shildedegi № 364 Jarlyǵymen bekitilgen Qazaqstan Respýblıkasy Qarýly Kúshteri, basqa da áskerleri men áskerı quralymdary Tártiptik jarǵysynyń 1-qosymshasyna sáıkes qyzmettik kartochka (bólim komandıri qol qoıǵan jáne eltańbaly mórmen rastalǵan); 7) fotosýretter (bas kıimsiz 4h6 – 6 dana); 8) basymdyq quqyǵyn beretin qujattar. 10. Áskerı bólimniń jáne mekemeniń komandıri (bastyǵy) áskerı qyzmetshiniń baıanatyn joǵary turǵan qolbasshylyqpen kelisedi jáne qabyldaý komıssııasy qaraý úshin Kadet korpýsyna qujattarmen baıanatty joldaıdy. 11. Áskerı qyzmette turmaǵan Qazaqstan Respýblıkasynyń azamattary qatarynan adamdar oqýǵa túsetin jyldyń 1 sáýirine deıin esepke tirkelgen jeri boıynsha jergilikti áskerı basqarý organdaryna ótinish beredi. О́tinishte tegi, aty jáne ákesiniń aty (bar bolǵan jaǵdaıda), týǵan kúni, aıy jáne jyly, turǵylyqty jeriniń meken-jaıy kórsetiledi. О́tinishke mynalar qosa beriledi: 1) jeke kýáliginiń kóshirmesi; 2) bilimi týraly qujattyń (attestattyń) kóshirmesi; 3) ómirbaıan; 4) jumys nemese oqý ornynan minezdeme; 5) otbasy quramy týraly ata-anasynyń (olardyń ornyndaǵy adamdardyń) turǵylyqty jerinen anyqtama; 6) ata-anasynyń (olardyń ornyndaǵy adamdardyń) jumys ornynan anyqtama; 7) polısııaǵa eriksiz keltirýdiń bar-joǵy týraly turǵylyqty jeri boıynsha ýchaskelik ınspektordyń anyqtamasy; 8) 4h6 fotosýretter – 6 dana (bas kıimsiz); 9) basym quqyq beretin qujattar; 10) tirkeý kýáligi. Ata-anasynyń qamqorlyǵynsyz qalǵan on segiz jasqa tolmaǵan azamattar qosymsha mynadaı qujattardy usynady: 1) ata-anasynyń qaıtys bolǵany týraly kýáliktiń kóshirmesi; 2) qamqorlyqty belgileý týraly kýáliktiń nemese sot nemese qamqorlyq organdary sheshiminiń kóshirmesi. 12. Jergilikti áskerı basqarý organdary kórsetilgen qujattardy zerdeleıdi jáne áskerı qyzmette turmaǵan azamattardy medısınalyq kýálandyrýdan ótkizedi. 13. Qosa berilgen qujattarmen birge azamattardyń ótinishterin jergilikti áskerı basqarý organdary qabyldaý komıssııasyna qaraý úshin oqýǵa túsetin jyldyń 1 maýsymynda Kadet korpýsyna joldaıdy. 14. Kandıdattardyń jeke isteri nómirlenedi, tigiledi jáne áskerı bólimi komandıriniń ne jergilikti áskerı basqarý organy bastyǵynyń bederli mórimen bekitiledi jáne Kadet korpýsyna joldanady. Kandıdattyń jeke isindegi qujattar qatań osy Qaǵıdanyń 9, 11-tarmaqtarynda kórsetilgen tizbe boıynsha ornalastyrylady. Atalǵan qujattarǵa qosymsha esepke tirkelgen jeri boıynsha jergilikti áskerı basqarý organy psıhologiniń qorytyndysy bar psıhologııalyq testileý nátıjeleri qosa beriledi. Usynylǵan qujattardyń kóshirmeleri erkin oqylýǵa tıis.2. Kadet korpýsyna qabyldaý tártibi
15. Oqýǵa kandıdattardy irikteýdi júzege asyrý úshin kandıdattardyń jeke isterin zerdeleý jóninde, jeke psıhologııalyq qasıetterdi zerdeleý jóninde, keshendi testileýdi ótkizý jóninde, kandıdattardyń dene bitimi daıyndyǵynyń deńgeıin tekserý jóninde qabyldaý komıssııasyn, jıyndar ákimshiligin jáne apellıasııalyq komıssııa qurý týraly Kadet korpýsy bastyǵynyń buıryǵy shyǵarylady. Buıryq 1 shildege deıin shyǵarylady jáne laýazymdy adamdarǵa, olarǵa qatysty bóliginde jetkiziledi. Komıssııa talapkerlerdi irikteýdi oqýǵa túsetin jyldyń 20 shildesi men 5 tamyzy kezeńinde mynadaı kórsetkishter boıynsha júrgizedi: medısınalyq kýálandyrý, jeke psıhologııalyq qasıetterin baǵalaý, dene bitiminiń daıyndyǵyn tekserý, jalpy bilim berý pánderi boıynsha bilimderin tekserý. Qabyldaý komıssııasynyń tóraǵasy Kadet korpýsynyń bastyǵy bolyp tabylady. 16. Jeke isterdi zerdeleý jónindegi komıssııa kandıdattardyń kelip túsken jeke isteriniń durys jınaqtalýyna baǵalaý júrgizedi jáne eger olar belgilengen talaptarǵa jaýap berse, olardy konkýrstyq kásibı irikteýge qatysý úshin shaqyrtý týraly sheshim qabyldaıdy. Sheshim hattamamen resimdeledi. 17. Medısınalyq komıssııa Qazaqstan Respýblıkasy Qarýly Kúshteri Bas áskerı-medısınalyq basqarmasy bastyǵynyń buıryǵy negizinde qurylady. Medısınalyq komıssııa Kadet korpýsynda oqýǵa densaýlyq jaǵdaıy boıynsha jaramdylyǵyn aıqyndaý maqsatynda talapkerlerge túpkilikti medısınalyq kýálandyrýdy ótkizedi. Talapkerlerdi medısınalyq kýálandyrý Qazaqstan Respýblıkasy Qorǵanys mınıstriniń 2009 jylǵy 28 jeltoqsandaǵy № 498 buıryǵymen bekitilgen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda qyzmet ótkerý úshin adamdardyń densaýlyq jaǵdaıynyń sáıkes kelýine qoıylatyn talaptarǵa (Normatıvtik quqyqtyq aktilerdi memlekettik tirkeý tiziliminde № 6033 bolyp tirkelgen) sáıkes júrgiziledi. Medısınalyq kýálandyrýdan ótpegen talapkerler odan ári konkýrsqa qatysýǵa jiberilmeıdi. 18. Jeke psıhologııalyq qasıetterdi zerdeleý jónindegi komıssııa Kadet korpýsynyń psıhologtaryn tarta otyryp, psıhologııalyq qyzmet bastyǵynyń tóraǵalyq etýimen psıhologııalyq kórsetkishter boıynsha talapkerlerdi irikteýdi júzege asyrý úshin qurylady. Talapkerlerdiń jeke psıhologııalyq qasıetterin baǵalaý Kadet korpýsyn óz adamgershilik qasıetteri, psıhologııalyq derekteri jáne psıhofızıologııalyq erekshelikteri boıynsha oqý jáne áskerı-kásiptik qyzmettiń talaptaryna sáıkes keletin kadettermen jasaqtaýǵa baǵyttalǵan. Psıhologııalyq testileýden ótpegen (testileý nátıjeleri boıynsha konkýrstyq topta barynsha az ball alǵan) talapkerler baqylaý jumystarynyń konkýrsyna qatysýǵa jiberilmeıdi. 19. Keshendi testileýdi ótkizý jónindegi komıssııa kandıdattardyń orta bilim baǵdarlamasy kólemindegi bazalyq bilim deńgeıin aıqyndaý maqsatynda qurylady. Ulttyq biryńǵaı testileý sertıfıkattary bolmaǵan jaǵdaıda oqýǵa túsetinder orta bilim baǵdarlamasy kóleminde matematıka, Qazaqstan tarıhy jáne qazaq nemese orys tili boıynsha keshendi testiler tapsyrady. Keshendi testiler Qazaqstan Respýblıkasy Bilim jáne ǵylym mınıstrliginiń Ulttyq testileý ortalyǵy ázirlegen tehnologııalar boıynsha ótkiziledi. Keshendi testileý memlekettik nemese orys tilderinde ótkiziledi.. 20. Testileýdi ótkizý ýaqytynda kandıdattarǵa: 1) ruqsatsyz jáne ilesip júrýsiz dárishanadan shyǵýǵa; 2) ornyn aýystyrýǵa; 3) kezekshiniń komandasynsyz test materıaldaryn ashýǵa; 4) test jumystarynyń materıaldaryn aýystyrýǵa, kóshirýge; 5) testilerdiń mazmuny jáne olarǵa durys jaýaptarynyń kodtaryn ashatyn málimetterdi paıdalanýǵa; 6) elektrondy jazba kitapshalaryn, kalkýlıatordy, utqyr quraldardy (peıdjerler, uıaly telefondar jáne t.b.), kómek qaǵazdaryn jáne anyqtama materıaldaryn paıdalanýǵa tyıym salynady. 21. Test materıaldary bar paket dárishanada komıssııa tóraǵasynan qabyldanady jáne tutastyǵy tekserilgennen keıin ashylady. 22. Testileý ótkizilip jatqan dárishanaǵa kirýge tek keshendi testileýdi qabyldaý jónindegi komıssııa tóraǵasyna jáne múshelerine ruqsat etiledi. Testileýdi ótkizý ýaqytyndaǵy dárishana boıynsha kezekshi komıssııa quramynan taǵaıyndalady. 23. Uıymdastyrý bólimi aıaqtalǵannan keıin test jumystaryn oryndaý ýaqyty eseptele bastaıdy. Test jumysyn oryndaýdy bastaý jáne aıaqtaý ýaqytyn kezekshi taqtaǵa jazady jáne talapkerlerge jarııalaıdy. Kezekshi dárishanadaǵy tártipti qadaǵalaıdy. Osy Qaǵıdanyń 20-tarmaǵy buzylǵan jaǵdaıda kezekshi talapkerdi dárishanadan shyǵarady. Talapkerdi dárishanadan shyǵarǵan kezde erkin úlgide akt jasalady. 24. Tapsyrmalardy belgilengen ýaqyttan buryn oryndaǵan talapkerler jumysyn tapsyrady jáne dárishanadan shyǵady. Test jumysyn oryndaýǵa bólingen ýaqyt aıaqtalǵannan keıin kezekshi ol týraly jarııalaıdy, odan keıin test jumysyn oryndaý vedomosyna belgi jasaı otyryp, jaýaptary bar paraqtardy qabyldaıdy. 25. Qujattarmen rastalǵan densaýlyq jaǵdaıy nemese basqa da sebepter boıynsha test jumysyn oryndaýǵa múmkindiginiń bolmaýy týraly talapker ony oryndaý bastalǵanǵa deıin komıssııaǵa habarlaıdy. 26. Kestemen belgilengen ýaqytta test jumysyn oryndaý úshin dáleldi sebeptersiz kelmegen talapkerler odan ári synaqtardy tapsyrýǵa jiberilmeıdi. 27. Keshendi testileý nátıjeleri ony ótkizgen kúni jarııalanady jáne aqparat berý úshin baqylaý-ótkizý pýnktinde ilinedi. 28. Dene bitiminiń daıyndyǵy mynadaı jattyǵýlar boıynsha tekseriledi: bıik belaǵashta ilinip turyp tartylý; 100 metrge júgirý; 3000 metrge júgirý. 29. Barlyq komıssııalardyń sheshimderi hattamamen resimdeledi. 30. Jıyndar ákimshiligi konkýrstyq irikteý ýaqytynda kandıdattardyń jeke quramy arasynda kúndelikti ómirdi baqylaýdy júzege asyrý jáne ishki tártipti saqtaý maqsatynda qurylady jáne Kadet korpýsy áskerı qyzmetshileriniń qatarynan taǵaıyndalady. 31. Baqylaý tapsyrmalaryn baǵalaý kezinde biryńǵaı talaptardy saqtaýdy qamtamasyz etý jáne daýly máselelerdi sheshý maqsatynda jáne talapkerlerdiń quqyqtaryn qorǵaý úshin apellıasııalyq komıssııa qurylady. 32. Apellıasııalyq komıssııa talapkerlerdiń ótinishterin qabyldaıdy jáne qaraıdy, jınaǵan baldardyń sáıkes kelýin tekseredi, baldardy qosý týraly sheshim qabyldaıdy jáne apellıasııaǵa bergen talapkerge apellıasııa qorytyndylary týraly aqparat beredi. 33. Eger talapker nemese onyń ata-anasy (olardyń ornyndaǵy adamdar) irikteý nátıjelerimen kelispese, onda olar nátıjeler jarııalanǵannan keıin apellıasııalyq komıssııaǵa jazbasha ótinishti kelesi kúni saǵat 15.00-ge deıin beredi jáne ony apellıasııalyq komıssııa bir táýlik ishinde qaraıdy. О́tinishti apellıasııalyq komıssııa tóraǵasynyń atyna talapkerdiń ózi nemese onyń ata-anasy (zańdy ókili) beredi. О́tinish ıesinde ózimen birge Qazaqstan Respýblıkasy azamatynyń jeke kýáligi bolýǵa tıis. Talapker apellıasııany qaraý kezinde qatysady, sonymen qatar talapkermen birge ata-anasynyń nemese zańdy ókilderiniń bireýi qatysady. 34. Apellıasııany qaraý barysynda tek oqýǵa túsý emtıhandaryn tapsyrý nátıjelerin baǵalaýdyń durystyǵy tekseriledi. 35. Apellıasııalyq komıssııanyń jumysyn apellıasııalyq komıssııanyń tóraǵasy, al ol bolmaǵan kezde – apellıasııalyq komıssııa tóraǵasynyń orynbasary basqarady. 36. Apellıasııany qaraǵannan keıin apellıasııalyq komıssııanyń sheshimi shyǵarylady. Apellıasııalyq komıssııada kelispeýshilikter týyndaǵan kezde daýys berý júrgiziledi jáne sheshim kópshilik daýys berýmen bekitiledi. Daýystar teń bolǵan jaǵdaıda komıssııa tóraǵasynyń daýysy sheshýshi bolady. Apellıasııalyq komıssııanyń jumysy hattamamen resimdeledi, oǵan barlyq komıssııa músheleri qol qoıady jáne kandıdatqa jetkiziledi (qol qoıý arqyly). 37. Kandıdattardy irikteý jónindegi is-sharalar bastalǵanǵa deıin komıssııalar quramyna taǵaıyndalǵan adamdarmen qabyldaý komıssııasynyń tóraǵasy nusqaý berý-ádistemelik keńes ótkizedi. 38. Qabyldaý komıssııasy qyzmetiniń merzimderi jyl saıyn Mınıstrdiń birinshi orynbasary – Qazaqstan Respýblıkasy Qorǵanys mınıstrligi Shtabtar bastyqtary komıteti tóraǵasynyń buıryǵymen, olardyń quramdary Kadet korpýsy bastyǵynyń buıryǵymen aıqyndalady. 39. Kandıdattarǵa Kadet korpýsyna kelý ýaqyty jergilikti áskerı basqarý organdary jáne áskerı bólimder men mekemelerdiń komandırleri (bastyqtary) arqyly habarlanady. Kandıdattardy jóneltýdi áskerı bólimder men mekemelerdiń komandırleri (bastyqtary), jergilikti áskerı basqarý organdarynyń bastyqtary júzege asyrady. 40. Kandıdattar Kadet korpýsyna áskerı bólimder (mekemeler), jergilikti áskerı basqarý organdary ókilderiniń jetekshiligimen keledi. 41. Oqýǵa túsý kezeńinde kandıdattardy tamaqtandyrý jáne turý Kadet korpýsy esebinen júrgiziledi. 42. Medısınalyq kýálandyrýdan, jeke psıhologııalyq qasıetterdi baǵalaýdan jáne dene bitimi daıyndyǵy tekserýinen tabysty ótken talapkerler Ulttyq biryńǵaı testileý sertıfıkattary baldarynyń, keshendi testileý túrinde ótkizilgen oqýǵa túsý emtıhandarynyń nátıjeleri boıynsha berilgen sertıfıkattar baldarynyń konkýrstyq negizinde qabyldaý komıssııasynyń basym daýys berý sheshimi boıynsha Kadet korpýsyna qabyldanady. Úsh pán boıynsha (matematıka, Qazaqstan tarıhy, qazaq nemese orys tili) 30 baldan kem jınaǵan talapkerler Kadet korpýsyna túsý úshin konkýrsqa qatysýǵa jiberilmeıdi. 43. Oqıtyndar quramyna qabyldaýǵa konkýrsty ótkizý kezinde birdeı kórsetkishter bolǵan jaǵdaıda basymdyq quqyǵyna (rastaıtyn qujattar bar bolǵan jaǵdaıda) mynalar ıe bolady: 1) “Altyn belgi” belgisimen marapattalǵan adamdardyń; 2) avtonomdy bilim berý uıymdarynyń bilimi týraly qujattary bar adamdar; 3) bilim berý salasyndaǵy ýákiletti organ tizbesin aıqyndaıtyn jalpy bilim beretin pánder boıynsha halyqaralyq olımpıadalar men ǵylymı jarystardyń (birinshi, ekinshi jáne úshinshi dárejeli dıplomdarmen marapattalǵan), oryndaýshylardyń respýblıkalyq jáne halyqaralyq konkýrstary men sporttyq jarystardyń (birinshi, ekinshi jáne úshinshi dárejeli dıplomdarmen marapattalǵan) sońǵy úsh jyldaǵy jeńimpazdarynyń, sondaı-aq ózderi tańdaǵan mamandyqtary olımpıadalardyń, konkýrstyń nemese sporttyq jarystyń pánine sáıkes kelgen jaǵdaıda, aǵymdaǵy jylǵy jalpy bilim beretin pánder boıynsha respýblıkalyq olımpıadalar men ǵylymı jarystardyń (birinshi, ekinshi jáne úshinshi dárejeli dıplomdarmen marapattalǵan) jeńimpazdarynyń; 4) kelisimshart boıynsha áskerı qyzmet ótkeretin áskerı qyzmetshiler jáne áskerı daıyndyq boıynsha qosymsha baǵdarlamalary bar bilim berý uıymdarynyń tárbıelenýshileri. 44. Bilim berý granttaryn alýǵa arnalǵan konkýrsty ótkizý kezinde kórsetkishter birdeı bolǵan jaǵdaıda jetim balalar men ata-anasynyń qamqorlyǵynsyz qalǵan balalardyń, úzdik bilimi týraly qujattary (kýálikteri, attestattary, dıplomdary) bar adamdardyń basym quqyǵy bar. 45. Azamattardy oqýǵa qabyldaý Kadet korpýsyn jasaqtaý josparyna sáıkes konkýrs boıynsha qabyldaý komıssııasynyń ashyq otyrysynda júrgiziledi. Kadet korpýsyna oqýǵa qabyldaý (bas tartý) týraly komıssııanyń sheshimi hattamamen resimdeledi. Kadet korpýsyna talapkerlerdi qabyldaý Kadet korpýsy bastyǵynyń buıryǵymen júrgiziledi. Kadetterdi qabyldaý týraly buıryqtardan úzindiler áskerı basqarý organdaryna jáne áskerı bólimderge joldanady. 46. Kadet korpýsyna qabyldaý týraly buıryqtardan úzindiler oqýǵa qabyldanǵan áskerı qyzmetshilerdi áskerı bólimder tizimderinen shyǵarý úshin negiz bolyp tabylady. 47. Qabyldaý komıssııasynyń jumysy aıaqtalǵannan keıin Kadet korpýsynyń bastyǵy Qazaqstan Respýblıkasy Qorǵanys mınıstrliginiń Áskerı bilim jáne ǵylym departamentine ótkizilgen qabyldaý týraly esep berýdi usynady. 48. Kadet korpýsynda oqytý merzimi bir jyl on aı. 49. Kadet korpýsyna oqýǵa túsken talapkerler Qazaqstan Respýblıkasy Bilim jáne ǵylym mınıstriniń 2007 jylǵy 12 jeltoqsandaǵy № 621 buıryǵymen bekitilgen bilim berý qyzmetterin kórsetýdiń úlgilik shartyna sáıkes (Normatıvtik quqyqtyq aktiler tiziliminde № 5070 bolyp tirkelgen) shart jasasady. 50. Kásibı irikteýden ótpegender retinde oqýǵa qabyldanbaǵan talapkerler: áskerı qyzmetshiler – burynǵy qyzmet ornyna; áskerı qyzmette turmaǵan azamattar qatarynan adamdar – esepke tirkelgen jeri boıynsha jergilikti áskerı basqarý organdaryna jiberiledi. 51. Kadet korpýsyna talapkerlerdi qabyldaý týraly buıryq shyqqannan keıin oqýǵa túskenderdiń jeke isteri hattamamen (aktimen) aýyspaly quramnyń esebin júrgizetin kadrlar bólimine tapsyrylady. Buıryq Qazaqstan Respýblıkasynyń Ádilet mınıstrliginde 2011 jylǵy 19 qazanda Normatıvtik quqyqtyq kesimderdi memlekettik tirkeýdiń tizilimine №7172 bolyp engizildi.
