Qazaqstan • 02 Qańtar, 2018

«KazEOSat» spýtnıkteriniń jumys isteý ýaqyty úsh jyldan keıin aıaqtalady

550 ret

kórsetildi

1 mın

oqý úshin

Qorǵanys jáne aeroǵarysh ónerkásibi mınıstrligi Qazaqstandaǵy spýtnıkter qaı merzimde almastyrylatynyn jarııalady, dep habarlaıdy QazAqparat.

Egemen Qazaqstan

«KazEOSat» spýtnıkteriniń jumys isteý ýaqyty úsh jyldan keıin aıaqtalady

«KazSat-2» jáne «KazSat-3» baılanys spýtnıkteri 2011 jáne 2014 jyly ushyryldy, sáıkesinshe olardyń belsendi jumys isteý merzimderi 12 jáne 15 jyldy quraıdy. Al olardy 2023 jáne 2029 jyldary josparly almastyrý kózdelip otyr.

Budan bólek, «KazEOSat-1» jáne «KazEOSat-2» Jerdi qashyqtyqtan zondtaý spýtnıkteriniń belsendi jumys isteý merzimi 2021 jyly aıaqtalady.

«Osyǵan baılanysty Mınıstrlikpen olardyń ornyn 2021 jyly jańa Jerdi qashyqtyqtan zondtaý jer serikterimen amastyrý úshin «KazEOSat-3» jáne «KazEOSat-4» jobalaryn júzege asyrý boıynsha josparly jumystar atqarylýda», - deıdi mınıstrlik ókilderi.

Qazirgi tańda Qazaqstanda eki ǵaryshtyq júıe bar. Atap aıtqanda, «KazSat-2» jáne «KazSat-3» baılanys spýtnıkterden turatyn «KazSat» ǵaryshtyq baılanys júıesi, sonymen qatar «KazEOSat-1» men «KazEOSat-2» Jerdi qashyqtyqtan zondtaý spýtnıkterin qamtıtyn ekinshi júıe jumys isteýde.