Qyzylorda oblysynyń ákimi Qyrymbek Kósherbaevpen kezdesý barysynda depýtattar aımaqtyń 2017 jylǵy áleýmettik-mádenı damýyndaǵy negizgi qorytyndylarmen jáne osy jylǵy josparmen tanysty. Aımaq basshysy ónerkásiptiń, aýyl sharýashylyǵy, bilim berý, densaýlyq saqtaý jáne mádenıet salalarynyń jaı-kúıi jáne keleshektegi damýy týraly jan-jaqty habardar etti.
Senatorlar Qyzylorda oblysynda jedel jáne aıqyn quqyqtyq qyzmet kórsetý maqsatynda qurylǵan Quqyq qorǵaý qyzmeti ortalyǵynyń jumysymen tanysty. Munda azamattarǵa quqyqtyq máselelerdi sheshýde keshendi túrde kómek kórsetetin bilikti mamandar (prokýror, advokat, medıator, ákimdik ókilderi) qyzmet etedi. Ortalyq qazirgi zamanǵy ınjenerlik-tehnıkalyq quraldarmen jabdyqtalǵan, kelýshilerge jaıly jaǵdaı jasalǵan.
Parlamentshiler jańa turpattaǵy polısııa beketinde bolyp, onyń jumysyna joǵary baǵa berdi. Sondaı-aq 500-ge jýyq kamera jumys isteıtin beınebaqylaý júıesiniń tıimdi jumysy atap ótildi. Depýtattar qylmys deńgeıin tómendetýge múmkindik beretin bul jańalyqty elimizdiń basqa da aımaqtaryna keńinen taratýdy usyndy.
Depýtattar quqyq qorǵaý organdarynyń ókilderimen kezdesý barysynda zańdardaǵy ákimshilik jáne qylmystyq zańnamany izgilendirýge baǵyttalǵan túzetýler týraly áńgimeledi.
Senatorlar sol kúni qalalyq máslıhat ǵımaratynda oblys aktıvimen, máslıhat depýtattarymen jáne jurtshylyq ókilderimen kezdesti. Senat Tóraǵasynyń orynbasary B. Beknazarov óz sózinde Parlament joǵarǵy Palatasy qyzmetiniń qorytyndylaryna toqtaldy. Memleket basshysy N.Á.Nazarbaevtyń bastamasymen júzege asqan konstıtýsııalyq reforma el ómirindegi asa mańyzdy oqıǵa retinde atap ótildi. «Parlament Ata zańǵa Memleket basshysy usynǵan saıası reformalardy quqyqtyq turǵyda qamtamasyz ózgerister men tolyqtyrýlardy qabyldady. Depýtattar korpýsy jańa Salyq, Keden kodeksteri jáne basqa da zańdar boıynsha aýqymdy jumystar atqardy», - dedi B. Beknazarov.
Senat Tóraǵasynyń orynbasary Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýy jáne «Bolashaqqa baǵdar: rýhanı jańǵyrý» baǵdarlamalyq maqalasynyń mańyzdy rólin atap ótti. B.Beknazarovtyń aıtýynsha, Qazaqstannyń Qaýipsizdik Keńesine múshe bolýy, Astanada ShYU sammıti men «EKSPO-2017» halyqaralyq kórmesiniń ótýi bizdiń elimizdiń jańa tarıhynda erekshe oryn alady.
Parlament qabyldaǵan zańdardyń mazmuny, elimizdegi rýhanı jańǵyrý máseleleri, onyń ishinde ulttyq qundylyqtardy saqtaý men qazaq tilin latyn árpine kóshirý týraly múddelilik turǵysynda áńgime óristedi. B. Beknazarov sharaǵa qatysýshylardyń saýaldaryna jaýap berdi.
