Áıtse de atar jyldyń aq tańynda Aqshat aýylynda buǵan kerisinshe jaǵymdy jańalyq oryn aldy. Mundaǵy bastaýysh mektep irgesin keńeıtip jalpy bilim beretin úlken mektepke aınaldy. Syńǵyrlaǵan sý jańa ǵımarattyń syrty qandaı sándi bolsa, ishi sondaı mándi. Jańa mektepke alash arystary kósemderiniń biri Álıhan Bókeıhanovtyń esimi berilgeni de jarasyp turǵandaı.
300 oqýshyǵa óz esigin aıqara ashqan mektep ǵımaraty bar-joǵy bir-aq jyldyń ishinide turǵyzylǵan. Onyń taǵy bir ereksheligi búgingi álemdik bilim berý standarttaryna saı tirek jáne qımyl-qozǵalys músheleri buzylǵan balalardyń da mekteptke emin-erkin kelip ketýi úshin qajetti jaǵdaılardyń týǵyzylǵany. Munyń ózi arnaıy jedelsaty, pandýs túrinde kórinis taýyp otyr. Jańa úlgidegi mekteptiń tez ári sapaly salynýyna «Nurly jol» memlekettik baǵdarlamasynyń shapaǵaty tıipti. Bul úshin bıýdjet esebinen tabany kúrekteı 864 mıllıon teńge jumsalǵan.
Aqshat aýylynyń turǵyndaryn, kárisi men jasyn kól-kósir qýanyshqa bólegen oń qubylys eń birinshiden, mundaǵy demografııalyq tabıǵı ósim men ishki kóshi-qon úrdisiniń joǵary ekeninen habar bere alady. Dál osyndaı baıypty baılamdy Aqtóbe qalasyndaǵy Bolashaq shaǵyn aýdanynda ashylǵan orta mekteptiń jańa ǵımaratyna qatysty da jasaýǵa bolady. Onyń quny – 755 mıllıon teńge.
Temir QUSAIYN,
«Egemen Qazaqstan»
Aqtóbe oblysy
