Aýdandyq aýrýhanany kúrdeli jóndeý jumysy byltyr shilde aıynda bastalǵan edi. Ol úshin oblystyq bıýdjetten 480 mln. teńgege jýyq qarjy bólingen.
- О́tken jyly Batys Qazaqstan oblysynda 19 densaýlyq saqtaý nysanynda kúrdeli jóndeý jumysy jasaldy. Sonyń biri – Terekti aýdandyq ortalyq aýrýhanasy. Bul eń aldymen Elbasynyń júrgizgen saıasaty men memlekettik baǵdarlamalardy júzege asyrýdyń nátıjesi. О́tken jyl óńirimizdiń Terekti aýdany úshin jemisti boldy. Aýyldarǵa gaz, sý bardy, jol jóndeldi, mektepter jóndeýden ótti. Munyń barlyǵy – eldiń ál-aýqatyn jaqsartý baǵytynda atqarylǵan ister. Jalpy densaýlyq saqtaý salasynda atqarylǵan is kóp.
Sonyń biri oblysta sońǵy eki jyl ishinde 80 jedel járdem qyzmetiniń kóligi satyp alyndy. Qazir arnaýly kólikpen oblys ortalyǵy tolyqtaı qamtamasyz etildi, endi aýdandardy da tolyq qamtýdy josparlap otyrmyz. Maman daıarlaý máselesine de erekshe nazar aýdaramyz. Bıyl batysqazaqstandyq 24 mektep túlegi ózge óńirlerdegi medısınalyq joǵary oqý ornyndarynda oblys grantymen bilim alyp jatyr, olardyń oqý aqysy jergilikti bıýdjet esebinen tólenýde. Jas mamandar keıin óńirdegi medısınasalyq mekemelerde qyzmet etetin bolady. О́tken jyly ǵana oblysqa 84 jas maman kelse, onyń 42-si aýdandarǵa jiberildi. Sondaı-aq Elbasynyń ekonomıkanyń barlyq salasyn sıfrlandyrý boıynsha bergen tapsyrmalaryn oryndaý maqsatynda da aýqymdy sharalar atqarylýda, - dedi Batys Qazaqstan oblysynyń ákimi Altaı Kólginov saltanatty sharada sóılegen sózinde.
Budan keıin QR Parlamenti Májilisiniń depýtaty Záýresh Amanjolova aýrýhana qyzmetkerlerimen kezdesip, óziniń dárigerlik tájirıbesimen bólisti.
Qazbek QUTTYMURATULY
«Egemen Qazaqstan»
Sýretti túsirgenn Aıbatyr NURASh
