Bas uıymmen baılanys kórinisi

Keshe Astanada elimiz Syrtqy ister mınıstri E.Qazyhanov BUU Damý baǵdarlamasynyń Eýropa jáne TMD memleketteri Aýmaqtyq bıýrosynyń dırektory K.Ýdovıchkımen kezdesý ótkiz­di, dep habarlady Syrtqy ister mınıstrliginiń baspasóz qyzmeti. Qazaqstan men BUU Damý baǵ­darlamasy arasyndaǵy tabysty yntymaqtastyqty atap ótken áńgi­me­lesýshi taraptar, osy ózara áre­kettesýdi odan ári qaraı da­my­týǵa óz nıetterin jetkizdi. E.Qazyhanov Qazaqstan Úki­meti men BUU-nyń bastama­laryn­daǵy uqsastyǵyn jáne Qa­zaqstanda jú­ze­ge asyrylyp jat­qan birikken baǵ­darlamalar men jobalardyń tıim­di iske asýyn­daǵy ózara áre­kettesýi boıynsha BUU kórinýin atap ketti. 1993 jyldan bastap BUU DB-men birge Qazaqstanda 123 joba júzege asyrylǵany, al osy ýaqytta 30 joba iske asý ústinde ekendigi málim boldy. Áńgime barysynda Qazaqstan­nyń Almaty qalasyn kóp jaqty dıplomatııanyń sýbaımaqtyq or­ta­lyǵyna aınaldyrý jobasy Qa­zaq­stan men BUU ynty­maq­tastyǵyn jańa sapaly dárejege kóterýge múmkindik beretini atap ótildi. Osy­ǵan oraı, otandyq SIM bas­shysy áńgimelesýshige, memleket tarapynan «Almatyda barlyq halyqaralyq uıym­dar­dyń aýmaq­tyq ókildikteriniń óz qyzmetterin sátti júrgizýine jáne jaıǵasýyna barlyq jaǵ­daıy bar» dep sendirdi. E.Qazyhanov Almaty qala­syna BUU-nyń aýmaqtyq orta­ly­ǵy beıresmı mártebesin berý aýmaqtyq jáne sýbaımaqtyq jo­balardyń iske asyrylýyna, so­ny­men birge, Ortalyq Azııa halyqtarynyń ór­kendeýi men aýmaqtyq yntymaq­tastyǵyn ny­ǵaıtýǵa múmkindikter týǵyzar edi degen senim bildirdi. Qazaqstan 2017-2018 jyl­da­ry BUU Qaýipsizdik Keńesiniń turaq­ty emes músheligine saı­la­ný­ǵa yqylas tanytýda.