Turǵyn úıler jóndelý ústinde

Premer-Mınıstr Kárim Másimovtiń tóraǵalyǵymen keshe Úkimette ótken selektorlyq keńeste eki másele qaraldy. Onyń birinshisi – kóp páterli turǵyn úılerdi jóndeýdiń tetikterin júzege asyrý barysy týraly elimizdiń Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın baıandady.   Onyń aıtýy boıynsha, atal­ǵan másele jóninde qazirgi kúni eki tetik ázirlenip, júzege asy­rylýda. Birinshisine Úkimet qo­rynan 1,9 mıllıard teńge bólin­gen. Bul qarjyǵa 106 úıdi jón­deýden ótkizý josparlanyp otyr. Ústimizdegi jyldyń 11 qa­ra­shasyndaǵy málimet boıynsha, osy baǵyttaǵy jóndeý ju­mys­ta­ry elimizdiń 16 óńirindegi 91 turǵyn úıde qolǵa alyndy. Bul jalpy kórsetkishtiń 86 paıyzyn quraıdy. Bólingen qarjynyń 950 mıllıon teńgesi nemese 50 paıy­zy ıgerildi. Aqtóbe oblysy men Astana qa­lasynda bólingen qar­jy tolyqtaı ıgerildi. Atyraý, Ońtústik Qa­zaq­stan oblysta­ryn­da da jumys qyzý qarqynmen jú­zege asyrylýda. Ekinshi tetikti júzege asyrýǵa Úkimet 5,5 mıllıard teńge ból­gen bolatyn. Buǵan 449 úı jón­deýden ótkizilýge tıis. Qazirgi kúni osy tetik boıynsha ju­mys­tar elimizdiń barlyq óńirle­rin­degi 402 turǵyn úıde júzege asy­rylýda. Bul jalpynyń 89 paıy­zyn quraıdy. Bólingen qarjy­nyń 3,9 mıllıard teńgesi nemese 67 paıyzy ıgerildi. Kún tártibindegi ekinshi máse­le boıynsha qysqy jylytý maý­symyna daıyndyq jumystary­nyń nátıjeleri qaraldy. Osy máselege qatysty eskeretin bir­qatar problemalar anyqtalyp, olardy joıýdyń joldary belgilendi. Munaı jáne gaz vıse-mınıstri Berik Tolymbaevtyń ha­bar­laýyna qaraǵanda, elimizdiń ońtústik oblystaryn gazben qam­tý isinde birqatar irkilister oryn aldy. Buǵan О́zbekstannan elimizge jetkiziletin gaz kóle­miniń tómendeýi áser etip otyr. Osyǵan baılanysty Qazaqstan endi Túrkimenstan gazyn alýǵa kiristi. Sóıtip, problema sheshimin tapty. Atalǵan máselelerdi qory­tyn­dylaǵan Úkimet basshysy Kárim Másimov máselege jaýap beretin adamdarǵa mundaı ma­ńyz­dy isterdi kúni buryn qolǵa alyp, aldyn-ala júrgizý qajet­tigin eskertti. Sonymen qatar máselelerdi tyńǵylyqty retteý jóninde tıisti oryndarǵa tap­syr­malar berdi. Suńǵat ÁLIPBAI.