Sharaǵa qatysqan Astana qalasynyń jolaýshylar kóligi basqarmasynyń basshysy Bekmyrza Igenberdınov avtomattandyrylǵan júıe 15 qańtardan iske qosyla bastaıtynyn aıtty.
«Elordada aqyly kólik turaǵyn engizý jónindegi «Astananyń kólik turaǵy keńistigin basqarý» jobasy iske qosyldy. Onyń alǵashqy kezeńi «Nurjol» jelekjolynda júzege asyryldy. Atalǵan aımaqta 472 turaq orny belgilenip, jol tańbalary syzyldy, aqparat alý taqtalary men 12 parkomat ornatyldy», dedi B.Igenberdınov.
Sonymen qatar ol bıylǵy jyly Esil, Saryarqa jáne Almaty aýdandarynyń aýmaǵynda 9 myńnan astam kólikke arnalǵan turaq ashylatynyn jetkizdi.
«Avtokólik ıelerine turaq aqysyn tóleýdiń túrli nusqalary usynylady. Olar parkomat arqyly qolma-qol aqsha, bank kartasymen, SMS joldaý nemese jeke kabınet arqyly, «Kassa 24» termınaldary men arnaıy mobıldi qosymsha kómegimen tóleý múmkindikterine ıe. Turaq aqysy tańǵy 8-den keshki 8-ge deıin saǵatyna – 100 teńge. Turaq sessııasy bastalǵan sátten bastap alǵashqy 30 mınýt tegin», dedi ol.
Aıta ketetin taǵy bir jaıt, qalamyzda qazirdiń ózinde «Astana» temir jol vokzaly aýmaǵyndaǵy aqyly turaq jumys isteýde.
Raýan QAIDAR,
«Egemen Qazaqstan»
