Qurylys jumystarynyń 90 paıyzy aıaqtaldy. Oblys ákimi kent turǵyndary kópten kútken nysandy bıylǵy kóktemde ashýǵa tapsyrma berdi. Osy jyldyń qyrkúıek aıynda Abaı aýdanynda uzyndyǵy 25 metr bolatyn bes jolaqty sýda júzý basseıni paıdalanýǵa beriledi. Bul nysan aýdanda sý sporty túrlerin damytý maqsatynda salynyp jatyr.
Shyǵys Qazaqstanda úsh jańa bilim ordasy boı kóteredi. Olar: Aıagóz aýdanyndaǵy 600 oryndyq orta mektep, Úrjar aýdanynyń Maqanshy aýylyndaǵy 320 oryndyq orta mektep jáne Tarbaǵataı aýdanynyń Aqjar aýylyndaǵy 300 oryndyq ınternat pen 600 oryndyq orta mektep. Aımaq basshysy atalǵan úsh bilim berý nysanyn jańa oqý jyly bastalǵanǵa deıin qoldanysqa berýdi júktedi.
«Úsh jańa mekteptiń qurylys josparyn qaıta qarap, bekitińizder. Qurylys jumystaryn jańa oqý jyly bastalǵanǵa deıin aıaqtaý kerek. Sonymen qatar, Tarbaǵataı aýdanynda salynyp jatqan 300 orynǵa arnalǵan mektep-ınternatty balalarmen toltyrýdyń jobasyn jasap, maǵan kórsetińizder. Eń bastysy, ınternat bos turmaýy kerek», - dedi Danıal Ahmetov.
Oblys ákiminiń baspasóz qyzmeti sonymen qatar, bıyl óńirde alty áleýmettik-mádenı nysannyń qurylysy jalǵasatynyn habarlady. Olar О́skemende salynyp jatqan úsh mektep pen densaýlyq saqtaý salasyndaǵy eki nysan (gematologııalyq ortalyqtyń jáne О́skemen qalasyndaǵy 200 oryndyq qalalyq balalar aýrýhanasynyń qurylysy).
Semeı qalasynda «Abaı-Arena» mádenı-sport kesheni salynady. Onyń qurylysy Qaraǵaıly jańa shaǵyn aýdanynda bastalmaq. Qurylys jumystary halyqaralyq standarttarǵa saı salynýda jáne 5 myń orynǵa eseptelgen. Keshen álemdik deńgeıdegi túrli sporttyq jarystar ótkizýge múmkindik beredi.
Azamat QASYM,
«Egemen Qazaqstan»
Shyǵys Qazaqstan oblysy
