Tótenshe jaǵdaılar komıtetiniń resmı ókili Rýslan Imanqulovtyń aıtýynsha, qarly boran respýblıka joldaryndaǵy qozǵalysty aıtarlyqtaı qıyndatqan. Mundaı aýa raıy dárigerler men qutqarýshylarǵa túsetin aýyrtpalyqty da eseleı túsken. Medısınalyq kómek surap júgingenderdiń sany kúrt artty.
«О́tken táýlikterde Apattar medısınasy ortalyǵy fılıaldarynyń shuǵyl áreket etetin brıgadalary 30 jábirlenýshini qaýipsiz jerge kóshirdi, sonyń 5-eýi bala, al úsh adam aýrýhanaǵa jatqyzyldy», - deıdi R. Imanqulov.
Atap aıtqanda, jedel qyzmetke Arshaly kúre jolynyń 42-razezinde kúzet beketinde bir adam úsip qalǵany týraly habar kelgen. Shuǵyl jetken brıgada ony jyly jerge kóshirgen.
Astana-Qaraǵandy kúre jolyndaǵy Qyzylsýat aýylynan 9 adam, sonyń ishinde 5 bala, bir júkti áıel qaýipsiz jerge kóshirildi. Segizi týystarynyń úıine jetkizilse, júkti áıel №1 perınataldyq ortalyqqa jatqyzyldy.
