1992 jyldyń 18-20 mamyr aralyǵynda Qazaqstan Prezıdenti Amerıka Qurama Shtattaryna tuńǵysh resmı saparmen bardy. Sapar barysynda Nursultan Nazarbaev AQSh Prezıdenti Djordj Býshpen, Memlekettik hatshy Djeıms Beıkermen jáne ózge de mınıstrler, senatorlar jáne kásipkerlermen kezdesti.
Alǵashqy sapar aıasynda Qazaqstan men AQSh Úkimeti arasyndaǵy О́zara túsinistik Memorandýmyna, Kapıtal salýdy qoldaý men ózara qorǵaý týraly kelisimge, Saýda qatynastary týraly kelisimge jáne basqa da qujattarǵa qol qoıylǵan.
Buǵan deıin Aqorda Nursultan Nazarbaevtyń 1992 jylǵy AQSh-qa birinshi resmı saparynda túsirilgen muraǵattaǵy vıdeony jarııalaǵan bolatyn.
Eske sala keteıik, Qazaqstan Prezıdenti Nursultan Nazarbaev AQSh prezıdenti Donald Tramppen Vashıngtonda 2018 jyldyń 16 qańtarynda kezdesedi. Memleket basshysy AQSh-ta 18 qańtarǵa deıin bolady. Sonymen qatar, 18 qańtarda Qazaqstan Prezıdenti BUU Qaýipsizdik keńesiniń qarý qoldanýdy jappaı joıýǵa arnalǵan brıfıngine qatysady.
