Sonymen birge aımaqtyń kásibı tehnıkalyq bilim salasynda aımaqaralyq quziret ortalyqtary qurylatyn bolady. Ol týraly oblys ákimi Elbasynyń «Tórtinshi ónerkásiptik revolıýsııa jaǵdaıynda jańa múmkindikterdi damytý» Qazaqstan halqyna Joldaýynda alǵa qoıylǵan mindetter men maqsattardy talqylaýǵa arnalǵan aktıv jınalysynda málimdedi. «2016-shy jyldan bastap bilim berýdiń jańartylǵan quramyna aýysý bastaldy.
Jańa baǵdarlamalar boıynsha bizdiń oblysymyzdyń 40%-dan astam mektep ustazdary daıyndyqtan ótti, osy jyldyń sońyna deıin olardyń úlesi 60%-ǵa deıin ulǵaıady. Sizder bilesizder, 2018-shi jyldyń 1-shi qańtarynan bastap jańartylǵan quramǵa aýysqan muǵalimderdiń jalaqysy 30%-ǵa kóteriledi», - dedi Erlan Qoshanov.
Ol sonymen qatar oblystyń robototehnıka bilimin damytýǵa basymdylyq jasap otyrǵanyn aıtty. «Tek sońǵy jyldyń ózinde-aq mektep zerthanalarynyń sany 47-den 200-ge deıin ulǵaıdy. Bizdiń aldaǵy jylǵa qoıyp otyrǵan maqsatymyz - robototehnıkamen barlyq orta jáne negizgi mektepterdi qamtý. Olardyń sany bizde - 467, - dedi aımaq basshysy qalalar men aýdandardyń ákimderine. - Osyǵan oraı mektepterdegi robototehnıka zerthanalary bazasynda tehnoparkter qurý boıynsha jumystar júrgizý qajet. Meniń oıymsha ony oblysymyzdyń barlyq qalalarynda jasaýǵa bolady».
Erlan Qoshanov qosymsha bilim uıymdarynyń, ásirese tehnıkalyq baǵyttaǵy mekemelerediń jelisin keńeıtý qajet dep oılaıdy. «Biz kásibı jáne tehnıkalyq bilim júıesin jetildirýdi jalǵastyramyz. 3 kolledj negizinde aımaq aralyq quziret ortalyqtary qurylatyn bolady, - dep túsindirdi ol. - Bizdiń oblysymyzdyń eki kolledji respýblıka boıynsha alǵashqylardyń biri bolyp joǵarǵy dárejege ıe boldy. Bilim basqarmasyna jańa oqý jylynan bastap olardyń sanyn altyǵa deıin ósirýge tapsyrma beremin».
