Oblys ákimi májiliske qatysýshylardy aımaqtyń áleýmettik-ekonomıkalyq damý kórsetkishteri týraly habardar etti.
2017 jyldyń qortyndysy boıynsha óndirilgen ónim kólemi 5,7 trln AQSh dollaryna jetti. Bul 2016 jylmen salystyrǵanda 20,8%-ke artyq. Birinshi jartyjyldyqta óńdeýshi ónerkásiptegi eńbek ónimdiligi 33,8 myń AQSh dollaryn qurady, 2016 jylmen salystyrǵanda 141,7 %-ke ósken.
2017 jyly óńirde jalpy quny 5 mlrd dollardyń 5 jobasy iske qosyldy.344 jańa jumys orny quryldy.
Aımaqtaǵy basty mindet – ónerkásiptik revolıýsııa aıasynda ınnovasııalyq tehnologııalar tartý. Eksporttyq ónim shyǵarýdy qamtamasyz etetin mekemelerdi qaıta jańǵyrtýǵa jáne sıfrlandyrýǵa baǵyttalǵan jańa quraldardy daıarlaý jáne testileý. О́ńirdiń resýrstyq áleýetin damytý mindetteriniń qatarynda. Qatty turmystyq qaldyqtardy jınaý men saqtaýǵa qatysty másele de sheshiledi. Qazir on polıgon qurylysynyń JSQ memlekettik saraptamadan ótýde. Qurylys 2019 jyly bastalady dep josparlanǵan.
Oblys ákiminiń birinshi orynbasary S.Luqpanov pen Atyraý qalasynyń, aýdandardyń ákimderine máselelerdi baqylaýǵa alý júkteldi. Olar: ındýstrııalaý kartasy aıasyndaǵy jobalardy júzege asyrý jáne tabıǵat qorǵaý sharalaryn oryndaý.
Úshinshi baǵyt boıynsha basty mindet aldaǵy bes jylda AО́K ónimdiligin 2,5 esege kóbeıtý. Bul balyq ónimin óńdeý sapasyn arttyrý, tamshylatyp sýarý ádisimen egis alańyn kóbeıtý, asyl tuqymdy mal sharýashylyǵyn damytý, AО́K qoldaý quraldaryn qurýmen baılanysty bolmaq.
Tórtinshi baǵyt boıynsha ákim orynbasary J.Súıinshalıevke, Atyraý qalasy men aýdandardyń ákimderine bıyl oblys aýdandarynda jol ınfraqurylymyn qurý jumystaryn jalǵastyrý tapsyryldy.
Besinshi baǵyt boıynsha ákim orynbasary J.Súıinshalıevke, Atyraý qalasy men aýdandardyń ákimderine turǵyndardy energııalyq tıimdiligi joǵary, sapaly, taza qurylys materıaldarymen qamtýdy uıymdastyrý tapsyryldy.
Altynshy baǵyt boıynsha oblys ákiminiń orynbasary A.Ájiǵalıevaǵa, qalalar men aýdan ákimderine bank portfelderin saýyqtyrý, ıpotekalyq qaryzdarǵa qatysty máselelerdi retteý, bıznesti qoljetimdi mólsherlememen uzaq merzimdi nesıemen qamtý baǵyttarynda jumystardy jetildirýdi baqylaý tapsyryldy.
Jetinshi baǵyt boıynsha oblys ákiminiń orynbasary N.Saılaýovaǵa, qala men aýdan ákimderine orta bilim berý salasyn jańǵyrtý, oqý oryndaryn sıfrlandyrý, ásirese aýyldyq jerlerge mán berý tapsyryldy. Medısınada zamanaýı tehnologııalardy engizý, tıimdiligin kóterý, halyqty jumyspen qamtýdy baqylaýda ustaý da nazarda bolady.
Segizinshi baǵyt boıynsha oblys ákiminiń orynbasary A.Ájiǵalıevaǵa memlekettik basqarý tıimdiligin arttyrý jumystaryn júzege asyrýdy baqylaý júkteldi. Qyzmetterdi sıfrlandyrý, vedomstvalyq baǵynyshty uıymdardy jekeshelendirý qadaǵalanady.
Oblys ákiminiń orynbasary S.Luqpanovǵa, qala, aýdan ákimderine týrıstik ınfraqurylymdy damytý, qyzmet kórsetý sapasy men qoljetimdiligin arttyrý tapsyryldy.
N.Noǵaev toǵyzynshy baǵyt boıynsha aımaqta biraz jumys istelgenin atap aıtty. Áleýmettik jelilerde arnalar iske qosyldy, halyqpen keri baılanysty jolǵa qoıý maqsatynda jeke qosymshalar daıyndaldy.
Onynshy baǵyt boıynsha kóshelerdi jaryqdıotty jaryqtandyrý jobasy júzege asyrylýda. Jolaýshylar kóligi men qalalyq beınebaqylaý júıesi salalarynda jobalar qaralyp jatyr.
Nurlan Noǵaev óz sózinde Atyraý oblysynda memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda qoıylǵan mindetterdi júzege asyrýdyń naqty jospary daıylǵanyn atap ótti.
