О́tken jyly kúzde oblys ákimshiligi sportshylardy materıaldyq yntalandyrý maqsatymen «QR sport túrlerinen ulttyq qurama komandasynyń quramyna kirgen sportshylarǵa, sondaı-aq olardyń jattyqtyrýshylaryna, sporttyń oıyn túrlerinen QR qurama komandalarynda oınaıtyn sportshylar men olardyń jattyqtyrýshylary jáne klýbtyq komandalar jetekshilerine aı saıyn tólenetin qarjylaı qoldaýdyń kólemin bekitý týraly» qaýly qabyldaǵan bolatyn. Osy qaýlyǵa sáıkes, 2018 jyly olımpıadalyq sport túrlerimen respýblıkalyq qurama komandalarynyń quramyna engen sportshylar aıyna 88,4 myń teńge, al olımpıadalyq emes sport túrlerinen respýblıkalyq quramalarǵa engen sportshylar 79,6 myń teńge alyp turatyn boldy. Bul úshin oblystyq bıýdjetten qarjy bólinedi.
Oblysta osy kezge deıin sportshylardy bulaı qoldaý tájirıbede bolǵan joq. Bul elimizdegi «Dene shynyqtyrý men sport týraly» zańǵa engizilgen ózgertýler men tolyqtyrýlarǵa oraı qolǵa alyndy.
Názıra JÁRIMBET,
«Egemen Qazaqstan»
