Bul jaǵdaı qańtardyń bastapqy kúnderinde bolǵan. Qytaı óndirisi shyǵarǵan «VAN» avtobýsy Áýlıekól aýdanyna túngi saparmen ketip bara jatyp, qatty aıazǵa shydamaı, maıy aǵyp ketedi de toqtap qalady. Al jolaýshylardyń arasynda balalar men áıelder de bar bolatyn. Avtobýs tún ishinde toqtap tura bergende olardy úsik shalýy ábden múmkin edi.
Osy kezde tas jol boıynda kezekshilikte júrgen polıseıler synyp turǵan avtobýsty kóredi. Olar avtobýs jolaýshylaryn tas joldan ótken kólikterge top tobymen otyrǵyzyp, qalaǵa jetkizip salýyn ótindi. Aldymen balalar men áıelderdi jiberdi. Júrgizýshi Evgenıı Kım óziniń áriptesin kútti, ol arnaıy maıyn jetkizgen soń, avtobýs otalady da, ony polıseıler Qostanaıǵa deıin jetkizip saldy.
Osynsha adamdy úsip ketýden qutqarǵan aǵa serjanttardyń polısııada qyzmet etkenderine on jyldaı boldy. Osy jyldar ishinde tas jol boıyndaǵy túrli jaǵdaılarǵa kýá bolyp keledi. Qys qaharyna mingen kezde jergilikti polısııanyń jol-patrýldik batalony da syrtqy joldar boıynda kezekshilikti kúsheıte tústi.
Názıra JÁRIMBET,
«Egemen Qazaqstan»
