Ulttyq ekonomıka mınıstriniń aıtýynsha, Jalpyulttyq jospardyń jobasy Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýyn oryndaý týraly Úkimettiń 11 qańtardaǵy otyrysynda berilgen tapsyrmalarǵa sáıkes ázirlendi. Jobada 10 baǵyt boıynsha memlekettiń damýyna baǵyttalǵan 87 is-shara qarastyrylǵan.
«Indýstrııalandyrý jańa tehnologııalardy engizýdiń kóshbasshysyna aınalýy tıis» birinshi mindeti aıasynda eńbek resýrstaryn basqarý, eksportqa baǵdarlanǵan ónimder shyǵaratyn kásipkerlik sýbektilerin jańǵyrtýǵa jáne sıfrlandyrýǵa baǵyttalǵan jańa quraldardy ázirleý jáne jetildirý, sondaı-aq, tehnologııalar transferti boıynsha 8 shara qarastyrylǵan.
Bul sharalar Tujyrymdamany ázirleý arqyly, sodan keıin «sıfrlyq dáýir» ónerkásibin damytýǵa arnalǵan jańa Indýstrııalyq-ınnovasııalyq damý memlekettik baǵdarlamasy arqyly júzege asyrylady.
«Resýrstyq áleýetti odan ári damytý» ekinshi mindeti aıasynda ekologııalyq zańnamany, sonyń ishinde Ekologııalyq kodeksti ózekti etý arqyly iske asyrylatyn «jasyl» tehnologııalardy damytý, tabıǵı resýrstardy basqarý tásilderin qaıta qaraýǵa baǵyttalǵan 5 shara qarastyrylǵan. Sondaı-aq, shaǵyn jáne orta bıznes sýbektilerin keńinen tartý arqyly qatty turmystyq qaldyqtardy kádege jaratý jáne qaıta óńdeý boıynsha birqatar sharalardy ázirlep, qabyldaý kózdelgen.
«Aqyldy tehnologııalar» – agroónerkásip keshenin qarqyndy damytý múmkindigi» úshinshi mindeti aıasynda jańa tehnologııalar men bıznes-modelderdi engizý, kooperatıvterdi damytý, tıimsiz sýbsıdııalardy qaıta qaraý arqyly agroónerkásiptik keshendi damytýǵa, sondaı-aq, AО́K ǵylymı qarqyndylyǵyn arttyrýǵa baǵyttalǵan 6 shara qarastyrylǵan. Osy maqsatta 2017–2021 jyldarǵa arnalǵan QR agroónerkásiptik keshenin damytýdyń memlekettik baǵdarlamasyna ózgerister engiziledi.
«Kólik-logıstıka ınfraqurylymynyń tıimdiligin arttyrý» tórtinshi mindeti aıasynda 3 shara qarastyrylǵan. Bul is-sharalardy iske asyrý úshin sıfrlyq tehnologııalardy qoldaný arqyly Zııatkerlik kólik júıesin birtindep engizý jospary ázirlenedi. Sonymen qatar jergilikti avtojol jelilerin jóndeý men rekonstrýksııalaýǵa jumsalatyn qarjy ulǵaıtylady.
«Qurylysqa jáne kommýnaldyq sektorǵa zamanaýı tehnologııalardy engizý» besinshi mindeti aıasynda turǵyn úı zańnamasyn, sondaı-aq tabıǵı monopolııalar salasyn retteıtin zańnamany jetildirýge, sáýlet jáne qala qurylysy salasyndaǵy memlekettik normatıvterdi jetildirýge baǵyttalǵan 5 shara qarastyrylǵan.
«Qarjy sektoryn «qaıta jańǵyrtý» altynshy mindetin júzege asyrý aıasynda 8 shara qarastyrylǵan. Olar Ulttyq Banktiń bank sektoryn saýyqtyrý jónindegi baǵdarlamasy arqyly, sondaı-aq bıznesti uzaq merzimdi nesıelendirýdi qamtamasyz etýge jáne jeke tulǵalardyń tólem qabilettiligin qalpyna keltirý týraly zań jobasyn ázileý men Ipotekalyq zaımdardy qaıta qarjylandyrý baǵdarlamasyna ózgerister men tolyqtyrýlar engizýge baǵyttalǵan sharalar arqyly qamtamasyz etiledi. Osy baǵyt aıasynda AHQO alańyn ulttyq kompanııalardyń IPO aksııalaryn ótkizýge daıyndaý jumystary júrgiziedi. 2018 jyldan bastap «Samuryq-Qazyna» UÁQ AQ-yń jekelegen portfeldi kompanııalarynyń aksııalaryn birtindep kópshilike taratý jumystary bastalady.
«Adamı kapıtal – jańǵyrý negizi» jetinshi mindeti aıasynda 32 is-shara qarastyrylǵan. Barlyq deńgeılerde bilim berýdiń ozyq júıesin qurý maqsatynda bilim berý úderisterin jetildirýge, oqý baǵdarlamalaryn jańartýǵa, pedagogtyń bedelin arttyrýǵa baǵyttalǵan is-sharalar qarastyrylǵan. Budan ózge, bilim jáne ǵylymnyń 2016-2019 jyldarǵa arnalǵan memlekettik baǵdarlamasyna sıfrlyq tehnologııalar men JOO ǵylymyn damytý turǵysynan ózgerister men tolyqtyrýlar engiziledi.
Densaýlyq saqtaý salasynda aýrýlardyń aldyn alý men emdeýdi jaqsartý úshin jańa tehnologııalardy qoldanýǵa baǵyttalǵan is-sharalar, onyń ishinde onkologııalyq aýrýlarǵa qarsy kúres boıynsha Keshendi jospardy ázirleý iske asyrylady.
Densaýlyq saqtaý júıesiniń tıimdiligin arttyrýǵa baǵyttalǵan sharalardy iske asyrý úshin «Halyq densaýlyǵy jáne densaýlyq saqtaý júıesi týraly» kodekstiń jańa jobasy ázirlenedi.
О́zin-ózi jumyspen qamtyǵan jáne jumyssyz azamattardy qamtýdy keńeıtý maqsatynda О́nimdi jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamanyń jańa quraldary júzege asyrylady. Sondaı-aq, beıresmı jumyspen qamtylǵan halyqtyń qyzmetin formalızasııalaýǵa baǵyttalǵan zańnamany jetildirý, eńbek kitapshalary men eńbek kelisim-sharttaryn elektrondy formatqa kóshirýdi qamtamasyz etý, elektrondy eńbek bırjasyn iske qosý, áleýmettik saqtandyrý júıesinen tólemderdi jetildirý qarastyrylǵan.
«Tıimdi memlekettik basqarý» segizinshi mindeti aıasynda 10 is-shara qarastyrylǵan. Bıznesti qaıta retteý maqsatynda bıznesti qoldaý boıynsha, onyń ishinde jergilikti deńgeıde, júıeli sharalardyń jańa paketin ázirleý, sondaı-aq sıfrlyq tehnologııalardy engizý, memlekettik qyzmet kórsetýdiń jáne memlekettik qoldaýdyń sapasyn arttyrý qarastyrylǵan.
«Jemqorlyqpen kúres jáne zańnyń ústemdigi» toǵyzynshy mindeti aıasynda sot jáne quqyq qorǵaý júıelerin ınstıtýsıonaldyq túrlendirýge baǵyttalǵan 8 is-shara iske asyrylady.
«Aqyldy qalalar aqyldy ult úshin» onynshy mindeti aıasynda «Smart Sıtıdiń» «etalondy» standartyn qalyptastyrýǵa jáne úzdik praktıkalardy taratý jáne Qazaqstan qalalary arasynda tájirıbe almasý arqyly qala ortasyn basqarý úshin ony engizýge baǵyttalǵan 2 is-shara qarastyrylǵan.
«Jalpyulttyq jospardy iske asyrý tehnologııalyq jáne ınfraqurylymdyq damýdyń jańa kezeńine serpin beredi, ol tórtinshi ónerkásiptik revolıýsııa jaǵdaıynda elderdi damytýǵa negiz bolmaq jáne halyqtyń ál-aýqatyn jaqsartýǵa baǵyttalǵan is-sharalardy iske asyrýǵa múmkindik beredi», — dep túıindedi T. Súleımenov.
Mınıstrler kabınetiniń músheleri usynylǵan jobaǵa biraýyzdan daýys berdi.
Ulttyq ekonomıka mınıstrligine Premer-Mınıstrdiń keńsesimen birge bekitilgen tártipte sáıkes Jarlyqtyń jobasyn QR Prezıdenti Ákimshiligine usyný tapsyryldy.
