Bul fılmdi "SAQ" kınostýdııasy "Ońtústikfılmniń" jetekshiligimen jáne Ońtústik Qazaqstan oblysynyń ákimi J.Túımebaevtyń ıdeıasymen IýNESKO-nyń búkilálemdik muralar tizimine «Uly Jibek jolyndaǵy eskertkishter» nomınasııasy boıynsha Ońtústikten usynylǵan ortaǵasyrlyq 8 eskertkish týraly túsirgen. Fılm rejısseri Batyrhan Dəýrenbekovtiń málimdeýinshe, 25 mınýttan turatyn fılmniń maqsaty - óńirdegi ejelgi, tarıhı, kıeli oryndarymen tanystyrý, onyń paıda bolý tarıhy arqyly ótken tarıhymyzdy, mádenıetimizdi dəriptep, tabıǵaty ásem jerlerdi kórsetý arqyly týrızm salasyn damytý, dostyq pen tatýlyqty keńinen kórsete otyryp, óz eliniń tarıhyn uǵyndyrý, jasóspirimderge tárbıe berý. «Elbasy N.Nazarbaev «Bolashaqqa baǵdar: rýhanı jańǵyrý» maqalasynda elimiz ben jerimizdi, tarıhı mol muralarymyzdy saqtap qana qoımaı, nasıhattaý arqyly urpaq sanasyna patrıottyq sezimdi sińirý qajettigin atap kórsetti. Osy maqsatta, ejelden órkenıettiń ózegi bolǵan Ońtústik óńirindegi kóne qalalar boıynsha derekti fılm túsirip, kópshilikke usynyp otyrmyz», - deıdi B.Dáýrenbekov.
Fılmde óńirimizdegi tarıhı eskertkishter, kıeli jerler men ásem tabıǵatqa ıe sol zamandaǵy Uly Jibek Joly boıynda ornalasqan Saýran, Otyrar, Arystanbab, Túrkistan, Qaraspantóbe, Jýantóbe, Kúltóbe qalashyqtary týraly baıandalady.
Ǵalymjan ELShIBAI,
«Egemen Qazaqstan»
