«Jylytý pýnkti» degen jazýy bar qoǵamdyq kólikterde turǵyndarǵa sháı men kofe tegin beriledi. «Bul avtobýstar qala shetindegi oqýshylardy mektepke tasýǵa arnalǵan qoǵamdyq kólikter. Balalar aıazǵa baılanysty sabaqtan bosatylǵandyqtan avtobýstar osyndaı ıgi maqsatqa paıdalanylýda. On avtobýs О́skemendegi adamdar eń kóp jınalatyn «Ýshanov alańy», «45-inshi gastronom», «Qazaqstan», «Ivýshka», «Ortalyq bazar», «Ádilet úıi», «О́zen vokzaly», «Halıfa Altaı meshiti», «Ahmer (áskerı qalashyq)», «GES» sekildi aıaldamalarda turatyn bolady», - deıdi О́skemen qalasy ákiminiń baspasóz qyzmetiniń jetekshisi Ásem Qaıratbek.
Keshe О́skemendegi aıaldamalarda nemese jol boıynda turǵan turǵyndardy úıine tegin jetkizip salyp júrgen júrgizýshiler týraly jazǵan edik. Mundaı izgi is oblys ortalyǵynda áli de jalǵasýda. Alaıda qaladaǵy keıbir polıseıler osy sátti «tıimdi» paıdalanǵysy kelgen sekildi. Polısııa qyzmetkerleri aıaldamada tońyp turǵan adamdardy úıine jetkizbek bolyp toqtaǵan júrgizýshilerge aıyppul salypty. Qala turǵyndarynyń biri osy jaǵdaıǵa baılanysty áleýmettik jeli arqyly О́skemenniń ákimine shaǵym aıtyp, qaıyrymdy júrgizýshilerge arasha túsýdi surapty. Qýat Tumabaev qalalyq IIB bastyǵyna júrgizýshilerge aıyppul arqalatqan polıseılerdi anyqtap, tıisti shara qoldanýdy tapsyrdy.
Azamat QASYM,
«Egemen Qazaqstan»
О́SKEMEN
