Bıyl Caspian Week jıynynda qarjylyq salada, saýda men logıstıkada qoldanylatyn jańa sıfrlyq tehnologııalarǵa basa nazar aýdaryldy. Sonymen qatar, memlekettik jəne kommersııalyq jobalarǵa jańa tehnologııalardy engizý, qarjylyq tehnologııalardy damytý, sondaı-aq osy saladaǵy memlekettik qoldaý men halyqaralyq seriktestik boıynsha óńirlik saıasat məseleleri talqylandy.
«Qarjylyq tehnologııalardy damytý men olardyń ilgeri basýyna múmkindik beretin ekojúıe qalyptastyrý AHQO-ny damytýdyń negizgi strategııalyq baǵyttarynyń biri. Ekojúıe men ınovasııadaǵy negizgi oıynshylardy tartatyn ortalyqqa aınalýy tıis mamandandyrylǵan qarjylyq tehnologııalar haby óz jumysyn bastady» - dep habarlady Qaırat Kelimbetov.
Qazirgi sətte AHQO óz seriktesterimen birge qarjy tehnologııalary salasyndaǵy mynadaı: qarjylyq tehnologııalar men elektrondy kommersııany damytýǵa arnalǵan akselerasııalyq baǵdarlama, qarjylyq tehnologııalar boıynsha retteýshi synaq bólimi, blokcheın tehnologııalardy damytý ortalyǵy, sondaı-aq qolma-qol tólemsiz ekonomıkany damytý bastamalary sııaqty negizgi baǵyttar boıynsha jumys jasap jatqanyn aıta ketkenimiz jón.
