Shýche-Býra­baı kýrortty aıma­ǵyn damytý áleýet­teri talqylandy

Osy­ǵan oraı, keshe «Nazarbaev orta­ly­­­ǵyn­da» Qazaqstan Respýb­lı­­ka­sy Pre­zıdenti Is basqar­ma­sy­nyń jáne Aqmola oblysy ákim­diginiń qol­daýymen «Kazakh Tourism» ult­tyq kompanııasy uıym­dastyrǵan «Shýche-Býra­baı kýrortty aıma­ǵyn damytý áleýet­teri» ta­qy­ry boıynsha 2016-2023 jyl­dary júzege asatyn mańyzdy jo­balar­dyń tanystyrylymy ótti.

Is-sharaǵa Mádenıet jáne sport mınıstri Arystanbek Muha­medıuly, Aqmola oblysy ákiminiń orynbasary Vası­lıı Krylov, ıspanııalyq ınvestor Krıstof de Brıýın jáne mem­le­kettik organdardyń, ult­tyq kom­panııalardyń, damý ınstı­týt­­tarynyń basshylary, sondaı-aq qazaqstandyq jáne sheteldik kompanııalardyń basshylary men bıznesmender qatysty.

Arystanbek Muxamedıuly kirispe sózinde Býrabaı kýrortty aımaǵyn damytý jónindegi jumystardy, ınvestısııa tartý máselesin aıta kelip, 2020 jyl­ǵa deıin «Shýche-Býrabaı» ký­rort­ty aımaǵyna bólingen qa­jetti qarjynyń 95 paıyzy joldy jóndeýge, kommýnaldyq qyzmet sapasyn jaqsartýǵa bóli­netinin jetkizdi. «Qazirgi ýaqytta bul jobalarǵa 61 mlrd teńge qaras­tyrylǵan. Onyń jartysy jeke kompanııalardyń ınves­tısııasy. Memleket tarapynan bólingen qarjynyń 95%-y jol­dy jóndeýge, kommýnaldyq qyz­metterdi jańartýǵa, sonymen birge «Býrabaı-Shortandy» sý aımaq­tarynyń aınalasyn tazar­týǵa jumsalady», dedi ol.

Sondaı-aq mınıstr Býrabaıǵa týrısterdi kóptep tartý úshin xalyqaralyq sharalardy ótkizý kerektigin jetkizdi. Osy maqsatta bıyl Býrabaıda dástúrli túrde jaz aılarynda álemdegi talant­ty balalardyń basyn qosatyn halyq­aralyq festıval ótpek. «Bıyl jazda alǵash ret halyqaralyq balalar festıvalin ótkizeıin dep jatyrmyz. Ondaı sharalar Ispanııa, Túrkııa jáne taǵy basqa memleketterde jıi uıymdastyrylady. Nege deseńiz, bir balamen birge mindetti túrde bes-alty adam keledi. Ol – áke-sheshesi, ustazy, dostary jáne taǵysyn-taǵylar. Osylaısha ishki týrızmdi damytýǵa múmkindik bar. Sol sebepti bıylǵy festıval­di As­ta­namen qatar Býrabaıda ót­kiz­gendi jón kórdik», dedi A.Muxamedıuly.

Al Aqmola oblysy ákimi­niń orynbasary Vasılıı Krylov aldaǵy ýaqytta úlken jáne kishi Shabaqty kóli mańaıynda taý-shańǵy keshenin salý jos­parlanyp otyrǵanyn, son­daı-aq sheteldik týrıster qazaq xalqynyń turmys saltyna qatty qyzyǵatynyn eskere otyryp, Sarybulaq eldi mekeninde etnoaýyl salynatynyn aıtty. «Byltyr golfqa arnalǵan kásibı ortalyq ashyldy. Bıyl mamyr aıynda respýblıkalyq shańǵy bazasy paıdalanýǵa beriledi. Ol jerde bıatlon alańy men shańǵy trassasy bolady. Sportshylardyń júrip-turýyna arnalǵan barlyq nysandar boı kóteredi. Sonyń arqasynda úlken xalyqaralyq jarystardy ótkizip, týrısterdi kóptep tartýǵa múmkindik ashylady», dedi V.Krylov. 

Onyń aıtýynsha, búginde Shý­che­de taǵy bir taý-shańǵy keshenin salý máselesi qaralyp jatyr. Atalǵan joba ınvestısııalyq usynystardyń negizinde júzege aspaq. «Jergilikti bıýdjettiń esebi­nen qalanyń ortalyǵynda kóp­fýn­k­sııaly sport kesheni­niń qurylysy bastalady. Biz forým-ortalyǵyn salý jumys­taryna da úlken mán berip otyrmyz. Atalǵan nysan úsh segmentten turady. Ol jerdegi kórme keshe­ni, konsert zaly men zamanaýı kongress-xoll bolady. Qazirgi kez­de jer ýchaskesi anyqtaldy. En­di, jobalaý jumystaryna kirisý kerek», dedi ákimniń orynbasary.

Bul – kýrortty aımaqty keshendi damytýdyń alǵashqy aýqym­­dy jobasy. Jıynǵa qatys­qandar atalǵan tájirıbe keıin­nen Qazaqstannyń basqa óńirlerindegi kýrortty aımaqtardy josparlaý kezinde paıdalanylatynyn jetkizdi. 

Álı BITО́RE,
«Egemen Qazaqstan»