О́rkendi ózgerister jolbasshysy

Keshe «Qazaqstan» ortalyq konsert zalynda «Nur Otan» halyqtyq-demokratııalyq partııasy Astana qalalyq fılıaly saıası keńesiniń keńeıtilgen otyrysy ótti. Oǵan Astana qa­la­sy­nyń ákimi, «Nur Otan» HDP Astana qalalyq fılıalynyń jetekshisi Imanǵalı Tasmaǵambetov tóraǵalyq etip, júrgizip otyrdy. I.Tasmaǵambetov kirispe só­zin­de aldaǵy saılaýdyń saıası ma­ńyzdylyǵyn atap kórsetse, kún tártibinde eki másele qaraldy. Birinshi másele boıynsha fılıal tóraǵasynyń birinshi oryn­ba­sa­ry Ámirhan Rahymjanov «Nur Otan» halyqtyq-demokratııalyq par­tııasy Qazaqstan. 2017. Maq­sat­ta­ry. Ulttyq is-qımyl jospa­ry» ta­qyrybynda baıandama ja­sady. Sheshen óz sózinde jańa par­la­ment­tik merzimge arnalǵan saıası tu­ǵyrnama jobasy Prezıdent N. Nazarbaev belgilep bergen «2020 Strategııasyn» iske asy­rýdyń qa­rysh­ty qadamy, zańdy jalǵasy bo­lyp tabylatynyn atap kór­set­ti. Táýelsizdik alǵan 20 jyl ishinde Qazaqstan ózindik damý jolyna túsip, ekono­mı­ka­lyq qýatty elge aınaldy. Ja­sam­pazdyq pen qa­rysh­ty órleýi­miz­diń birden-bir kepili bolyp ta­bylatyn Elbasy­myz­dyń basshy­ly­ǵyndaǵy «Nur Otan» HDP uzaq merzimdi jyl­dar­dy qam­tı­tyn baǵdarlamasyn sáttilikpen júzege asyryp keledi. Osy merzim ishinde jetekshi saıası kúshke aınalyp, búkilhalyqtyq qol­daý­ǵa ıe boldy. Salmaqty da syn­darly sheshimderi qoǵamnyń ilgeri damýyna barynsha yqpal jasap, reformalardyń dáıektilik­pen júzege asýyna zor úles qo­syp keledi, dedi. Odan ári kez kel­gen saılaýdyń túpqazyǵy, je­ńiske jetýdiń basty kepili saı­laýaldy baǵdarlama bolatynyn sóz ete kelip, «Nur Otannyń» 2012 jylǵy 15 qańtarda bolatyn Parlament saılaýyna arnalǵan baǵdarlama jobasynyń ózekti tus­taryna toqtaldy. Astana­lyq­tar qashanda Prezıdenttiń senimdi tiregi bolyp qala bermek, dep túıindedi óz sózin Á.Rahymjanov. Jaryssózge birinshi bolyp kóterilgen «Astana lokomotıv deposy» AQ-tyń mashınıst-nus­qaý­shysy Vladımır Ýlıanen­ko­nyń sózin zaldaǵylar zeıin qoıa tyńdady. Tájirıbeli jumysshy óz oıyn qarapaıym tilmen jetkizip, jınalǵandar nazaryn ın­no­vasııa­lyq-ındýstrııalyq joba­lar­­dyń oryndalý jaıyna aýdar­dy. Lokomotıv ómirinen mysal­dar keltirip, taǵy bir ozyq baǵ­darlamanyń qol­ǵa alynǵanyn jetkizdi. «Kóz – qor­qaq, qol – ba­tyr» degen sóz bar. Kúsh biriktirsek, almaıtyn asýy­myz bol­maı­dy. Kósh basynan árkez nurotan­dyq­tardy kórip kelemiz. Olar mundaı qurmetke laı­yq, dedi ol. № 54 mektep-gımna­zııasy orys tili pániniń muǵalimi Albına Kó­peeva saıası uıymdaǵy jastar róline toqtalsa, «Ulttyq medısına holdıngi» AQ basqarma tóraǵasynyń orynbasary Tamara Voshenko medısına jaıyn sóz etti. Eýrazııa ulttyq ýnıver­sıte­tiniń rektory Erlan Sydyqov partııanyń aldaǵy jyldardy qam­tıtyn tuǵyrnamasynda ishki-syrt­qy ustanymdardyń naqty kór­se­til­genin aıta kelip, erteńgi kúni elimizdiń qandaı jolmen damıty­ny bizdiń árqaısymyzǵa tikeleı baılanysty degen oı tastady. Ekinshi máselede «Nur Otan» HDP kezekten tys HIV sezine delegattar saılandy. Saıası keńestiń keńeıtilgen otyrysyn I.Tasmaǵambetov qo­ry­tyndylady. Ol asa mańyzdy saıası naýqan bir rettik shara emes­tigin, aldaǵy júıeli is-qımyl­dardy túzip beretinin, sol sebepti ár nurotandyqtan asqan jaýapkershilikti, jınaqylyqty, saıası kó­re­gendilikti qajet etetinin atap kórsetti. Elordanyń áleýmettik-ekonomıkalyq damýy jyl ótken saıyn joǵary qarqyn­men damyp keledi. Bıyl ishki jalpy ónim 360 mıllıard teńgeni qurap otyr. О́nerkásip ónimderin shy­ǵarý 150 mıllıard teńgege jetti. 400 mıllıard teńgeniń ınves­tısııalary tar­tyl­d­y. Ortasha aılyq jalaqy 122 myń teńgeden aınaldy. Áleý­mettik baǵdarla­malar par­tııanyń aıryqsha qada­ǵalaýyna alynǵan. Saıası keńes otyrysyna «Nur Otan HDP Saıası keńesi bıýro­sy­nyń múshesi, Ekonomıkalyq damý jáne saýda mınıstri Qaırat Kelimbetov qatysty. О́mir ESQALI.