Kólik ótetin beketterdiń tıimdiligi artady

Qazir Qazaqstan – Qytaı baǵytyndaǵy avtokólikterdiń júk aǵyny qarqyndy ósken. Mysaly, 2022 jyly QHR-men shekaradan 639,6 myń kólik ótse, 2025 jyly onyń sany 1,68 mln-ǵa jetken. Osylaısha, úsh jyl ishinde kórsetkish 2,5 eseden asyp túsken. Aldaǵy ýaqytta eki el arasyndaǵy taýar aınalymyn jylyna 100 mlrd dollarǵa jetkizý mindeti baryn eskersek, shekaralyq ınfraqurylymǵa júkteme áli de ósetinin boljaýǵa bolady. Sondyqtan Qarjy mınıstrligi ótkizý qabiletin arttyratyn sharalar keshenin usynyp otyr. Onyń negizgisi –  ótkizý beketteriniń jumys ýaqytyn Qytaı tarapymen úılestirý.

Ekijaqty ýaǵdalastyqqa sáıkes búginge deıin Qazaqstan – Qytaı shekarasyndaǵy ótkizý beketteri qysqartylǵan jumys rejimimen: saǵat 8:00-den 12:00-ge deıin jáne 13:00-den 17:00-ge deıin jumys istep kelgen. Endi osy jumys rejimi uzartylyp, QHR shekarasyndaǵy barlyq qazaqstandyq avtomobıl ótkizý pýnkti saǵat 07:00-19:00-ge deıin 12 saǵattyq ýaqytqa aýystyryldy. Al eń iri ótkizý beketi – «Nur Joly» qanatqaqty rejimde táýlik boıy jumys isteýge kóshken.

Biraq otandyq beketter­diń jumys rejimi 19:00-ge deıin uzar­ǵanymen, qytaı ta­rapy jumys­ty saǵat 16:00-de aıaq­taıdy. Ýa­qyt aıyr­ma­shy­lyǵy daıyn ınfra­qu­ry­lym­dy paıdalanýdy shek­teıdi. Son­dyqtan eki jaqtyń da jumys ýaqytyna sáıkes keletin mezetti tańdaý arqyly ótkizý qabiletin keminde 20%-ǵa arttyrý kózdelip otyr.

Buǵan qosa, ótkizý beket­teriniń aýmaǵynan ilespe operasııalardy shyǵarý modeli júzege asyrylmaq. Júk rásim­deý, brokerlik syndy qyzmetter endi memlekettik shekaradan 1-10 shaqyrym radıýsta or­nalasqan saýda-logıstıkalyq ortalyqtar men ýaqytsha saq­taý qoımalaryna kóshiriledi. Sonda ótkizý beketteriniń ju­mysy jeńildep, tek kólikterdi baqylaýmen aınalysady. Bul avtokólik quralynyń sheka­ralyq-kedendik baqylaý aıma­ǵynda bolý ýaqytyn qysqartady.

Bul model Qazaqstan – Qytaı baǵytyndaǵy «Nur Joly», «Ala­kól», «Baqty», «Qal­­jat» ótkizý beketinde, son­daı-aq О́zbekstanmen sheka­radaǵy «B.Qonysbaeva», «Qa­zy­­ǵurt» jáne «Atameken» beket­terinde tolyǵymen en­gizilgen. Endi EAEO syrtqy shekarasynda ornalasqan  basqa da avtomobıl ótkizý beketterine de kezeń-kezeńimen enedi.

Qazirgi ýaqytta QHR shekarasynda «Nur Joly», «Ala­kól» jáne «Qaljat» ótkizý pýnkti baǵytynda úsh kóliktik-logıstıkalyq ortalyq jumys isteıdi. «Nur Joly» mańynda iri avtokólikke arnalǵan ma­mandandyrylǵan ýaqytsha saqtaý qoımasy paıdalanýǵa berildi. «B.Qonysbaeva», «Baq­ty», «Qazyǵurt» jáne «Ata­meken» beketi baǵytynda jańa nysandar (ÝSQ jáne KLO) paıda boldy.

Keńes barysynda sondaı-aq, qashyqtaǵy avtoótkizý be­ketterin turaqty elektr energııasy kózimen, ınternet­pen, ózge de qajetti ınfra­qurylym­men jabdyqtaý, ótkizý qabile­tin odan ári arttyrý máselesi qa­ral­dy. Baqty – Aıagóz temir jo­lynyń qurylysyna qa­tys­ty Abaı oblysyndaǵy jumys­ty úılestirý jaıy da tal­qy-
landy.

Jıyn sońynda qytaılyq tarappen ótkizý beketteriniń jumys ýaqytyn uzartý men úılestirý máselesi boıynsha kelissózdi jalǵastyryp, sheka­ra mańyndaǵy jol baǵytta­ryn ınfraqurylymdyq jańǵyr­týdy jedeldetý týraly sheshim qabyldandy.