Damý jáne órkendeý jolymen

Almatyda «Nur Otan» halyqtyq-demokratııalyq par­tııa­synyń qalalyq fılıaly saıası keńesiniń keńeıtilgen oty­rysy bolyp ótti. Onda «Nur Otan» HDP Almaty qalalyq fı­lıalynyń tóraǵasy Ahmetjan Esimov sóz sóıledi. Saıası keńes otyrysynyń kún tártibine búgingi tańdaǵy ózekti máselelerdiń biri – partııanyń saılaýaldy tuǵyrnamasy shyǵa­ry­lyp, jan-jaqty talqylandy. Sondaı-aq, birqatar pikirler men usynystar ortaǵa salyndy. «Nur Otan» HDP-nyń kezekten tys óte­tin XIV sezine qatysatyn delegattardy saılaý jáne par­tııaǵa jańa múshelerdi qabyldaý júzege asyryldy. Kópshilikke belgili, qazaq­stan­dyq­tardyń senimine ıe bolǵan «Nur Otan» partııasynyń negizin memleketimizdiń turǵyndary qu­raı­dy desek, al partııanyń kúshi olardyń, ıaǵnı halqymyzdyń má­de­nı jáne rýhanı ál-aýqaty bo­lyp tabylatyndyǵy aıtpasa da túsinikti. Mine, osyndaı basty sebepten partııa óz qataryn táý­el­sizdigine jıyrma jyl tolǵan memlekettiń odan ári damyp, ór­ken­deýine laıyqty úles qosatyn azamattarmen jáne tanymal ári bedeldi tulǵalarmen tolyq­ty­rý­dy basty maqsatqa aınaldyrýy quptarlyq jáıt. Partııa uıymdarynyń saı­laý­aldy tuǵyrnamasynyń jobasy Memleket basshysy, «Nur Otan» partııasynyń Tóraǵasy Nursul­tan Nazarbaev usynǵan elimizdiń 2020 jylǵa deıingi Strategııalyq damý josparyn tıimdilikpen jú­ze­ge asyrýdaǵy mindetterge negizdelgen. Bul oraıda, eń basty nazar qazaqstandyqtardyń ómir sa­pasyn jaqsartýǵa, densaýlyq saqtaý men bilim berý salalaryn odan ári jetildirýge aýdarylyp otyr. Sonymen qatar, qazaq hal­qynyń jáne elimizde qonys­tan­ǵan ózge de ulttardyń mádenıeti men salt-dástúrin saqtap, damytý qajet. «Nur Otan» HDP Almaty qalalyq fılıalynyń tóraǵasy, qala ákimi Ahmetjan Esimovtiń aıtýynsha, «partııa músheleri ult­aralyq jáne konfessııa­ara­lyq kelisim men ulttar ara­syndaǵy yntymaqty, dostyqty saqtap, ony odan ári nyǵaıtýǵa óz tarapynan yqpal etýi qajet». «Nur Otan» HDP-nyń Al­ma­ty qalalyq fılıalynyń keńeı­til­gen basqosýynda sóz alǵan partııanyń respýblıkalyq Saıası keńesi bıýrosynyń múshesi Aleksandr Pavlovtyń aıtýynsha, «oń­tústik astananyń óndiristik kór­set­kishteri, bul baǵyttaǵy táji­rıbesi aıtarlyqtaı». – Ulan-baıtaq elimizdiń áleý­met­tik-ekonomıkalyq damýyna al­matylyqtardyń qomaqty úles qosyp otyrǵandyǵy anyq. Soǵan oraı, Almaty qalasyndaǵy par­tııa­nyń 72 myńǵa jýyq múshesi partııanyń alǵa qoıǵan maq­sat­ta­ry men mindetterin keńinen nası­hattaýlary qajet ekendigin aıt­qym keledi. Ult kóshbasshysy Nur­sultan Nazarbaevtyń sarabdal saıasatynyń nátıjesinde Táý­elsizdigine nebári jıyrma jyl ǵana tolǵan memleketimiz álemge tanylyp, ýaqyt ótken saıyn kórkeıe túsýde. Bolashaqqa baǵyttalǵan qazaqstandyq jol­dyń kelesheginiń de kemel bola­tynyna senim mol, – dedi Aleksandr Pavlov. Keńeıtilgen jıynda partııa­nyń kezekten tys ótetin XIV sezine delegattar saılandy. «Nur Otan» HDP saılaýaldy tu­ǵyr­namasynyń jobasy partııa­nyń Almaty qalalyq fılı­aly­nyń saıası keńesiniń basqosýynda biraýyzdan maquldandy. Jıyn sońynda partııa qataryna qabyl­danǵandarǵa partııa bıletteri saltanatty túrde tapsyryldy. Olardyń arasynda Memlekettik syılyqtyń laýreaty el Týynyń avtory Sháken Nııazbekov, soǵys jáne eńbek ardageri Sultan Jıenbaev, halyq ártisi Eskendir Hasanǵalıev jáne basqalar bar. Baqyt BALǴARINA. Almaty.