Zaǵıp jáne nashar kóretin azamattarǵa arnalǵan respýblıkalyq kitaphana men «Kómektes» qoǵamdyq qory birlese otyryp, memlekettik tilimizdi nasıhattaý jáne zaǵıp oqyrmandar arasynda aqıyq aqyn,qazaq poezııasynyń dúldili, Hantáńiriniń muzbalaǵy Muqaǵalı Maqataev shyǵarmalaryn qalyń oqyrman arasynda nasıhattaý maqsatynda kitaphanada alǵash ret uıymdastyrylyp otyrǵan «Muqaǵalı oqýlary» festıvali ystyq yqylas týdyrdy.Bul festıvalinde 15 ónerpaz óz ónerlerin kórsetti.
Aqynnyń jaýhar jyrlarymen kórermenderdi sýsyndatqan án men jyr merekesine demeýshi bolǵandar arasynda «Tańbaly» Memlekettik tarıhı-mádenı jáne tabıǵı qoryq murajaıy, «Jiger» múmkindigi shekteýli adamdar jastar uıymy, «Alataý» dástúrli óner teatry, Almaty qalalyq Mádenıet basqarmasy jáne basqa uıymdar men jeke adamdar qol ushyn sozdy. Ádemi áýenimen kelýshilerdi tánti etken Qapıza Aıshýaqova, Kenje Qorǵanbaeva, Galına Hmyrova, Meıramgúl Isatova, Rústem Taıyrov ónerleri sezimińdi aıalaıdy. Sóıtip,
«Zaǵıp jáne nashar kóretin azamattarǵa arnalǵan kitaphanada ótken jyr keshi kúmbirlep ánge ulasty,jańǵyryǵyp Muqaǵalı aqynnyń kókeıdi terbegen otty jyrlaryna jalǵasty.
«Muqaǵalı oqýlary» ádemi órnegimen jınalǵan jurtshylyqty saǵynysh bolyp bir seıiltip, jabyrqaı kóńilderin jadyratyp tastady.
Saparbaı PARMANQUL,
«Egemen Qazaqstan»
ALMATY
