– Mine, 2018 jyl bastaldy, qańtar aıy, qystyń ortasy, kún sýyq, – dep áńgimeledi Semeı qalasyndaǵy Tótenshe jaǵdaılar jónindegi basqarmanyń bas mamany Ajar Rústemova, – qaýip azaıar
emes. Aıazdy kúnderde órt shyǵýy, adamnyń qaza bolýy men jaraqattaný qaýpi joǵary. Sebebi turaǵy joq jandardyń barlyǵy áıteýir, bir jyly jerge túnep shyqqylary keledi nemese «jyly oryn» izdeıdi. Osyǵan oraı, Semeı qalasyndaǵy TJB memlekettik órt baqylaý bólimi jergilikti polısııa qyzmetkerlerimen birlese turǵylyqty meken-jaılary joq tulǵalar jınalatyn oryndar boıynsha kezekti reıdter júrgizdi. Bul is-sharanyń maqsaty – qańǵybas adamdarǵa órt qaýipsizdiginiń qarapaıym normalaryn saqtaý qajettigi týraly túsindirý. Reıd barysynda osyndaı 4 oryn qamtyldy, nátıjesinde 20 adammen áńgimelesý júrgizildi.
Buǵan deıin Semeı qalalyq atalǵan mekeme qyzmetkerleri birneshe ret osyndaı eskertý, túsindirý sharalaryn ótkizgen eken. Bul jumys jalǵasa bermek. Osyndaı is-sharalar nátıjesinde byltyr órt kezinde qańǵybas adamdardyń qaza bolýy oryn almapty.
Raýshan NUǴMANBEK,
jýrnalıst
SEMEI
