Mindetti Senat atqaratyn bolady

Keshe Qaırat Mámıdiń tóraǵalyq etýimen bolǵan Parlament Senaty bıýrosynyń otyrysynda Májilis bolmaǵan kezdegi Parlamenttiń zań shyǵarý mindetteri týraly aıtyldy, dep habarlady Parlament Senatynyń baspasóz qyzmeti. Q.Mámı atap ótkendeı, Prezıdent N.Nazarbaevtyń Jarly­ǵy­men tómengi palatanyń óki­let­tigi toqtatyldy. Májilistiń jańa quramy saılanǵanǵa deıin Qa­zaq­stan Respýblıkasy Konstıtý­sı­ıa­sy­nyń 55-babyna sáıkes, Par­lamenttiń zań shyǵarý mindetin Senat oryndaıtyn bolady. Qazirgi kezde Senat qaraýynda 15 zań jobasy, Májilis Appa­ra­tynan alynǵan zań jobalarynyń ishinde Parlamenttiń 5-shi ses­sııasynyń ashylýynda Memleket basshysy belgilegen zań joba­la­ry bar. Bul zań jobalary eli­miz­diń áleýmettik-ekonomıkalyq da­mýy men halyqaralyq mindettemelerin oryndaýdy zań­na­malyq turǵyda qamtamasyz etedi. Bárin qosqanda, Senat 54 zań jobasyn qabyldaý jónindegi ju­mystardy qolǵa alatyn boldy. Q.Mámıdiń aıtýynsha, Senatta jos­parly túrde jumystar júrgi­zi­ledi jáne qabyldanatyn zań­dar­dyń sapasyna basa nazar aýdarylady. Bıýro otyrysynda Májiliste maquldanǵan jáne Parlamenttiń tómengi palatasy Apparatynan suratyp alynǵan zań jobalary komıtetter men Senat Appa­ra­tyna berildi. Bıýro otyrysynda sondaı-aq bıylǵy 24 qarashada bola­tyn kezekti Senat otyrysynyń kún tártibine usynystar qa­ral­dy. Aldaǵy otyrysta halyq­aralyq kelisimder, konvensııalar jáne sharttardy ratıfıkasııalaý jó­nindegi birqatar zań jobalaryn talqylaý jospar­lanyp otyr. Depýtattar «Neke (erli-zaı­yp­tylyq) jáne otbasy týraly» kodeks jobasyn, «Notarıat tý­raly» Zańǵa ózgerister men to­lyqtyrýlar engizý týraly», «Qa­zaqstan Respýblıkasynyń keı­bir zańnamalyq aktilerine bank qyz­metin jáne qarjy uıymdaryn táýekelderdi azaıtý turǵysynan retteý máseleleri boıynsha ózge­ris­ter men tolyqtyrýlar engizý týraly» zań jobalaryn qa­raı­tyn bolady.