Birqatar mańyzdy qujattar qabyldandy

Keshe Ortalyq saılaý komıssııasynyń tóraǵasy Qýandyq Turǵanqulovtyń tóraǵalyq etýimen Komıssııanyń otyrysy ótti. Otyrysta Qazaqstan Respýblıkasy Parlamenti Májilisi depýtattary men máslıhattary depýtattaryn saılaý boıynsha saılaý naýqandaryn uıymdastyrýǵa qatysty birqatar mańyzdy qaýlylar qabyldandy. Qabyldanǵan qujattardyń qa­tarynda Senim bildirilgen adam­dardy tirkeý tártibi sharttary týraly nusqaýlyq, sondaı-aq Daý­ys berýge arnalǵan jáshik­ter­di plombalaý nemese mórleý tár­tibi týraly nusqaýlyq bar. Bul qujattar negizinen tehnıkalyq sıpatqa ıe jáne saılaý komıs­sııa­laryna saılaý rásimderin ótkizý tártibin túsindirý úshin qajet. Al Senim bildirilgen adam­dardy tirkeý tártibi men sharttary týraly nusqaýlyq saıası partııalar men kandıdat­tar­dyń senim bildirilgen adamdary retinde tirkele al­maı­tyn adamdar tobyn belgileıdi. Olar – Qa­zaqstan Respýblıka­sy­nyń azama­ty bolyp tanylmaıtyn adamdar, saılaý komıssııalary­nyń múshe­leri jáne saıası memlekettik qyzmetshiler. Otyrysta qabyldanǵan qu­jat­tardyń taǵy biri – Saılaý bıýlletenderin daıyndaý, jetkizý jáne esepke alý tártibi týraly nusqaýlyq. Bul qaýlynyń mańyz­dy­lyǵy aldaǵy saılaýdy uıym­das­tyrý men materıaldyq-tehnı­ka­lyq qamtamasyz etýde jatyr. Otyrysta sondaı-aq Ortalyq saılaý komıssııasy Parlament Májilisi depýtattarynyń kezekten tys saılaýynda jáne más­lı­hattar depýtattarynyń kezekti saılaýynda sheteldik buqaralyq aqparat quraldarynyń ókilderi saılaýdy baıqaýdy Qazaqstan Respýblıkasy Syrtqy ister mınıstrligi bergen akkredıtteý týraly kýáligi bolǵan jaǵdaıda júzege asyrýǵa quqyly dep belgiledi. Bul rette halyqaralyq baıqaýshyǵa, sondaı-aq sheteldik buqaralyq aqparat quraldary­nyń ókiline jeke basyn kýá­lan­dyratyn qujatyn kórsetken kezde oǵan bir aýdarmashy ilesip júre alady. Ortalyq saılaý komıssııasy­nyń qaýlysymen saılaý týraly zańmen kózdelgen tártip boı­yn­sha saılanǵanǵa deıingi kezeńge Mańǵystaý, Shyǵys Qazaqstan, Almaty oblystarynyń oblys­tyq saılaý komıssııalarynyń jáne Almaty qalasynyń aýmaq­tyq saılaý komıssııasynyń jańa músheleri de taǵaıyndaldy. Otyrystan keıin ótken brıfıngte Ortsaılaýkom tóraǵasy Qýandyq Turǵanqulov aldaǵy saı­laýda saılaýshylar ártúrli úsh bıýlleten alatynyn atap ótti. Tóraǵanyń aıtýynsha, olar­dyń bireýi Qazaqstan Respýb­lı­kasy Parlamenti Májilisi de­pýtattarynyń saılaýynda saıası partııa úshin daýys berýge arnal­ǵan. Ekinshi bıýlleten – ob­lys­tyq máslıhat depýtattyǵyna kan­dıdat úshin daýys berýge, al úshinshi bıýlleten – aýdandyq nemese qalalyq máslıhattyń de­pýtattyǵyna kandıdat úshin daýys berýge arnalǵan bıýlleten bolyp tabylady. Astana men Almaty qalalarynyń saılaý­shy­lary eki bıýlleten alady. О́ıtkeni, bul qalalarda aýdandyq máslıhattar joq. Sondyqtan onda saılaý­shylar óz daýysyn saıası partııaǵa berýi jáne qalalyq máslıhattyń depýtatyn saılaýǵa tıis bolady. Qazirgi ýaqytta Ortalyq saılaý komıssııasy barlyq qajetti daıyndyq sharalaryn ótkizýde. Aldaǵy saılaýǵa tıimdi aqpa­rat­tyq qoldaý kórsetýge, sonymen qatar, saılaýdy uıymdas­ty­rý­shy­lardy oqytýǵa kúsh jumyl­dy­ryp otyr. Saılaýdy uıymdas­ty­rýshylar úshin respýblıkalyq semınar-keńesten basqa óńirlik semınarlar da ótkiziletin bolady. Álısultan QULANBAI.