Áskerılerdiń bılikten aıyrylǵysy joq

Mysyrda bılikti áskerıler óz qolyna alǵany belgili. Bul jáıt elde jappaı narazylyq aksııasyn tý­yn­datty. Egıpet halqy bılik shuǵyl túrde azamattyq úkimetke berilýi tıis dep eseptese, áskerıler óz bıligin kelesi jyldyń sońyna deıin saqtap, ókilettigin aza­mat­tyq úkimetke sodan keıin ǵana ótkizbek. Egıpet astanasy – Kaır qalasynyń Tahrır alańyndaǵy narazylyq aksııasy 19 qarasha kúni bastalǵan bolatyn. Polısııa men áskerıler alańdy ereýilshilerden tazartýǵa árekettenýi saldarynan qaqtyǵys týyndady. Máselen, keshe atalǵan alańdaǵy janjal sharyqtaý shegine jetip, sonyń saldarynan 13 adam opat bolsa, myńnan astamy jaralandy. Kaır qalasyndaǵy narazylyq sharalary eldegi ekinshi iri qala – Aleksandrııada da boı kórsetti.

KО́PShILIK DAÝYSQA IE BOLDY

О́tken jeksenbi kúni Ispanııada bol­ǵan parlamenttik saılaýda ońshyl­sentrıstik Halyqtyq partııa jeńiske jetti. Bıýlletender 100 paıyz óń­del­gennen keıingi málimet boıynsha, Ha­lyq­tyq partııa 44,62 paıyz daýys al­ǵan. Endi bul kórsetkish oǵan parlament­tegi 350 orynnyń 186-syn ıelenýge múmkindik beredi. Endi saılaýdaǵy jeńis Halyqtyq partııaǵa úkimet ja­saqtaýǵa jaǵdaı týǵyzsa, onyń kóshbasshysy Marıano Rahoı premer-mınıstrdiń oryntaǵyna jaıǵasatyn bolady. Al bılikke 2004 jyly kelgen Sosıalıstik partııa ótken saılaýda 28,73 paıyz ǵana daýys ala aldy. Sóıtip, olarǵa jańa shaqyrylymdaǵy parlamentten 110 oryn ǵana tıetin boldy. Halyqtyq partııa úshin 44,62 paıyz onyń tarı­hyndaǵy eń úlken kórsetkish bolsa, 28,73 paıyz sosıalıster úshin onyń tarıhyndaǵy eń az kórsetkish bolyp otyr.

QYZYL KHMERLERGE SOT JALǴASTY

Keshe Kambodjanyń tótenshe trıbýnaly adamzatqa qar­sy qylmys jasady dep aıyptalǵan úsh qyzyl khmerler serkesiniń isin qaraýǵa kiristi. El astanasy – Pno­mpen qalasynda bastalǵan proseske 85 jastaǵy Nýon Chea, 80 jastaǵy Khıeý Samphan jáne burynǵy syrt­qy ister mınıstri 86 jastaǵy Ieng Sarı shaqyrylǵan. Olarǵa 1975-1979 jyldary, ıaǵnı Pol Pot bıligi kezinde 1,7 mıllıon adamnyń genosıdine alyp kelgen qandy qyrǵynǵa tikeleı qatystary bar degen aıyp taǵylǵan. Bul qyzyl khmerler serkelerine baılanysty ekinshi sot prosesi bolyp tabylady. О́tken jyly 20 myń tutqynnyń ólimine jaýapty sanalǵan Kang Kek Leý 30 jylǵa bas bostandyǵynan aıyrylǵan bolatyn. Onyń apellıasııasyn qaraý 2012 jyldyń aqpanynda aıaqtalady dep kútilýde.

POLISIIа LAŃKESTIKTIŃ ALDYN ALDY

AQSh polısııasy lańkestik jasaýǵa daıyndyq júrgizdi degen kúdikpen tutqyndaǵan Hose Pımentel Manhet­tende turatyn jumyssyz bolyp shyq­­qan. Ol sondaı-aq Muhammad Iýsýf degen atpen de belgili eken. Bul týraly keshe ótken baspasóz máslıhatynda Nıý-Iork qalasynyń meri Maıkl Blýmberg málimdedi. Blýmbergtiń sózine qaraǵanda, 27 jastaǵy Pımentel «Ál-Kaıdanyń» ıdeologııasyn janyna jaqyn tutatyn adam retinde AQSh-tyń polısııasy men poshta bólimshesin shabýyldaýdy josparlapty. Sondaı-aq Aýǵanstan men Iraktan oralǵan amerıkalyq áskerıler de onyń lańkes­ti­giniń qurbandyqtary bolýy tıis eken. Qaýipsizdik kúshteri kúdiktiniń izine osydan bir jyl buryn tússe kerek. Pımentel – Domınıkan Respýblıkasynda týǵan AQSh azamaty.

LÝJKOV TERGEÝDEN SOŃ SUHBAT BERDI

Máskeýdiń burynǵy meri Iýrıı Lýjkov Reseı ishki ister mınıstrliginiń tergeý departamentinde jaýapta­syp shyqqannan keıin BAQ ókilderine suhbat bergen. Onymen telefon arqyly júrgizilgen áńgimeni «Dojd» telearnasy jazyp alypty. Lýjkov óziniń suhbatynda «Máskeý bankindegi» urlyq boıynsha qozǵalǵan qylmystyq iske jaýap berýge kelgen sebebi – óziniń kinásizdigine senimdi bolǵandyǵy ekenin jarııa etipti. Sonymen qatar, ol el basshylyǵynyń oǵan qaýipsizdik kepildigin bergeni týraly aqparatty teriske shyǵardy. Bul jóninde eshqandaı ýaǵdalastyq bolǵan emes, dep málimdegen Lýjkov. Tergeýdiń qupııalyǵyna silteme jasaǵan burynǵy mer oǵan qandaı suraqtar qoıylǵany týraly aıtýdan da bas tartqan.

QASTANDYQ SYRY ANYQTALÝDA

Bakýde jazýshy jáne pýblısıst Rafık Tagıge qastandyq jasaldy. Py­shaq jaraqatyn alǵan zardap shegýshi shuǵyl aýrýhanaǵa jetkizilgen. Jergilikti «Az­ad­lyg» («Azattyq») radıo­sy­nyń aqpa­ratyna qaraǵanda, oǵan sha­býyl úıiniń janynda jasalǵan. Tagı alǵan jaraqatyna qaramastan, úıine jetip qula­ǵan. Sodan keıin jedel járdem shaqyrylǵan. Oǵan operasııa jasalypty. Jaǵdaıy aýyr kúıinde qalyp otyrǵa­ny­men, dá­rigerler ómirine qaýip joq deıtin kórinedi. Sha­bý­yl­ǵa qa­tysty qylmystyq is qozǵalǵan. BAQ-tarda jazý­shy­ǵa sha­býyl onyń ıslamǵa qatysty synı sózder aıtýyna baıla­nys­ty kek alý áreketi bolýy da yqtımal degen boljam aıtylýda.

QYSQA QAIYRYP AITQANDA:

Kabardın-Balqar astanasy – Nalchık qalasyndaǵy turǵyn úıdi shabýyldaý kezinde jasyryn qarýly bandaǵa qatysy bar dep tabylǵan úsh kúdikti óltirilgen. Operasııa barysynda quqyq qorǵaý organdary men beıbit turǵyndar arasynda qaza tapqandar joq kórinedi. Reseıdiń birinshi prezıdenti Borıs Elsınniń nemere týys­qany Stanıslav Glebov Reseı Federasııasy kommýnıstik par­tııa­synyń qataryna ótken. Oǵan múshelik bıletti Memlekettik dýma depýtattyǵyna kandıdat Pavel Dorohın tapsyrǵan. El­sın­niń kompartııa qatarynan eń alǵashqy bolyp shyqqany belgili.

Internet materıaldary negizinde ázirlendi.