Elbasy Joldaýy jaýapkershilik júkteıdi

«Adamı kapıtal – jańǵyrý negizi» deı otyryp Memleket basshysy «Barlyq jastaǵy azamattardy qamtıtyn bilim berý isinde ózimizdiń ozyq júıemizdi qurýdy jedeldetý qajet. Bilim berý baǵdarlamalarynyń negizgi basymdyǵy ózgeristerge únemi beıim bolý jáne jańa bilimdi meńgerý qabiletin damytýy tıis», dep bilim berý uıymdarynyń barsha qyzmetkerlerine baǵyt-baǵdardy aıqyndap berip otyr. Nursultan Ábishuly 2015 jyldyń 30 qańtaryndaǵy Joldaýynda da «Barshaǵa arnalǵan tegin kásiptik-tehnıkalyq bilim» jobasyn 2017 jyldan bastap iske asyrýdy tapsyrǵan edi. Qazirgi tańda Qyzylorda oblysynda 30 kolledjdiń 23-i osy jobany iske asyrýdy bastady. Onyń ishinde 12 memlekettik jáne 11 memlekettik emes oqý oryndary jastardy tegin jumysshy mamandyǵy boıynsha oqytýda.

Elbasynyń tapsyrmasyna sáıkes 2017-2018 oqý jylynda jergilikti jáne respýblıkalyq bıýdjet esebinen memlekettik tapsyrys kólemi 4603 oryn bolyp belgilendi. Onyń ishinde ju­mys­shy mamandyqtary bo­ıyn­sha respýblıkalyq bıýdjet esebinen «Nátıjeli ju­mys­pen qamtýdy jáne jappaı kásip­kerlikti da­my­týdyń 2017-2021 jyldarǵa ar­nal­ǵan baǵdarlamasy» negizinde 1515 oryn, jergilikti bıýdjet esebinen 1675 oryn, barlyǵy 3190 oryn bólindi. Osy joba sheń­berinde stýdentter 28 ma­man­dyqtyń 42 biliktiligi boıyn­sha bilim alýda.

Atalǵan tapsyrma aıasynda bizdiń M.Yqsanov atyndaǵy Qyzylorda polıtehnıkalyq kolledjine 4 jumysshy bilik­ti­ligi boıynsha 100 oryn memle­kettik tapsyrys bólinip, stýdentter bilim alýda.

Oblysymyzdyń tehnıkalyq jáne kásiptik bilim beretin oqý oryndary qazirgi tańda shyn mánindegi «Tórtinshi ónerkásiptik revolıýsııa dáýirinde, tehnolo­gııalyq, ekonomıkalyq jáne áleý­mettik salalardaǵy tereń jáne qarqyndy ózgerister keze­ńinde» jumys istep, qyzmet etetin jas­tardy oqytý men tárbıeleýdiń jolynda aıanbaı eńbek etip keledi. Osy Joldaý aıasyndaǵy El­ba­symyzdyń «Jumys berý­shi­lerdi tartý arqyly jáne ha­lyq­aralyq talaptar men sıfr­ly daǵdylardy eskere otyryp, tehnıkalyq jáne kásiptik bilim berý baǵdarlamalaryn ja­ńartý kerek» degen tapsyrma­sy bilim berý uıymdaryna úlken min­det­ter júkteıtinin jaqsy túsi­ne­miz. Atalǵan baǵytta kolledj ujy­my eńbek naryǵynyń zamanaýı talaptaryna tolyqqandy jaýap beretin, básekege qabiletti jumysshy mamandaryn daıarlaý isin jańa satyǵa kóterý maq­sa­tynda oqý-tárbıe úderisine ja­han­­dyq tájirıbede qoldanysqa ıe dýaldy oqytý men modýldik baǵ­darlamalar negizinde bilim berý júıelerine kóshýdi bastady. Jumys berýshi seriktester men stýdentterdiń ata-analarynan quralǵan ókilder kolledjdiń Qamqorshylyq keńesi arqyly bilim sapasyn baqylaýǵa jáne ony arttyrýǵa baǵyttalǵan is-sharalarǵa tolyqqandy qatysýǵa qol jetkizdi.

Oqý ornynyń materıaldyq-teh­nıkalyq bazasy da oblys bas­­shylarynyń qamqorlyǵy arqa­synda jyl sanap jańalanyp, jańǵyryp keledi. 2017 jyly kolledjimiz 82,0 mıllıon teńgege kúrdeli jóndeýden ótti.

Prezıdent N.Á.Nazarbaev «О́zi­niń tarıhyn, tilin, máde­nıetin biletin, sondaı-aq zama­nyna laıyq, shet tilderin meń­ger­gen, ozyq ári jahandyq kóz­qa­rasy bar qazaqstandyq biz­diń qoǵamymyzdyń ıdealyna aı­nalýǵa tıis», dedi. Bul jastar­ǵa sapaly bilim men sanaly tár­bıe berý jumystaryn tú­be­geı­li qaıta qarap, álemdik ozyq úlgilerdi óz tájirıbemizge eng­i­zý­ge mindetteıdi dep oılaımyn.

Baqyt KENBAEV,
aýyl sharýashylyǵy ǵylymdarynyń doktory, professor