- Sońǵy kezde ábir 3-4 kún saıyn oınap jatsyzdar. Bul sizdiń komandańyzǵa keri áserin tıgizbeı me?
- Bul endi qatty qınalatyn jaǵdaı emes. Meniń komandam mundaı rejimge úırenip alǵan. Odan bólek, osy joly 7 saǵat boıy ushaqpen ushyp keldik. Jol aýyr boldy. Degenmen, Eýropa lıgasy jarysyna da qatty mańyzben qaraımyz. Sondyqtan da, biz sabyrly bolýymyz kerek. Birinshi ret sıntetıkalyq alańda óner kórsetkeli turmyz. Erteń barynsha kúsh salyp óner kórsetetin bolamyz.
- Eýropa lıgasynyń fınalynda eki ret oınadyńyzdar. Endigi maqsatyńyz qalaı? Bıyl da jeńiske jetý maqsatyn qoıyp otyrsyz ba?
- «Sportıngtiń» maqsaty árbir týrnırde jeńiske jetý. Biz jáı ásheıin qatysa bermeımiz. Eger qatysyp, maqsat qoıyp oınasaq, sońyna deıin nátıjeni talap etemiz. Sondyqtan da, Eýropa lıgasyn bıyl jeńip jatsaq, bul óte jaqsy kórsetkish bolar edi. Kóptegen eýropalyq klýbtar sekildi Eýropa lıgasyn mensinbeıtinderdiń qatarynan emespiz.
- Rafael men Mate jaıly aıtyp ótseńiz. Olardyń oıynǵa daıyndyǵy qanshalyqty.
- Ekeýi de talantty fýtbolshy. Mateni biz Astanaǵa ákelmedik. Onyń azdaǵan jaraqaty bar. Onyń ústinde mynda jasandy alań eken. Mundaı alańda jaraqaty asqynyp ketýi múmkin. Al jalpy aıtar bolsam, jasandy alańda fýtbol oınaǵan durys emes der edim. Alaıda, Qazaqstandaǵy aýa-raıyn kórip men amalsyz ishteı tynyp otyrmyn. Sizderdiń jaǵdaılaryńyzdy túsindim.
- Siz úshin ishki chempıonatty jeńý mańyzdy ma, álde Eýropa lıgasy ma? Qazir, birinshilikte «Portýdan» edáýir qalyp kele jatsyzdar ǵoı. Bálkim Eýrokýboktan góri Portýgalııa chempıonatyna den qoıatyn shyǵarsyz.
- Iá, ras aıtasyz. Bizdiń maqsatymyz, eń aldymen Portýgalııa chempıonatyn jeńý. Al Eýropa lıgasy qosymsha bonýs sekildi ǵoı. Meniń oıymsha ekeýin de qatar alyp júrýge bolatyn sekildi. Onyń ústine qazir tek pleı-off oıyndary ǵoı. Asa qatty kóp oıyn ótkizip sharshamaısyń da.
Ermuhamed MÁÝLEN
