Jobany júzege asyrýshylardyń qatarynda ardaqty analar, qoǵamdyq jurtshylyqtyń ókilderi, isker jáne tabysty áıelder engizilgen. Sondaı-aq bastamashy toptyń basy-qasynda Aqtóbe oblysynyń qurmetti azamaty, esimi elge eleýli jan, Aqtóbe oblystyq máslıhatynyń hatshysy Sanııa Qaldyǵulova bar ekenin de aıta ketken jón.
Mine, osyndaı quramdaǵy bastamashy toptyń ókilderi búgingi kúnderi ózderi bastaǵan aıyryqsha jobanyń tujyrymdamasyn jasap shyqty. Qazirgi kezde osynaý baǵa jetpes qujat oblys ákimdigi tarapynan qoldaý taýyp otyr. Onyń basty rýhanı qundylyǵy ári ózge jobalardan ereksheligi men artyqshylyǵy ana degen ardaqty atqa bas ııýge úndeı bilýinde. Esimderi elge keńinen tanymal áıel-analarǵa sheksiz qurmet kórsetýdi qaster tutýynda.
«Sondaı-aq bul keshenniń basty rýhanı qundylyǵynyń biri - ekspozısııalyq zal. Oǵan kelýshiler Bopaı hanym, Nursulý Tapalova, Roza Jamanova, Álııa Moldaǵulova, Aqqaǵaz Dosjanova syndy halqymyzdyń dańqty qyzdarynyń ómir joldary men jáne Qazaqstan tarıhynda aıryqsha orny bar ózge de áıel zatynan jaratylǵan tulǵalardyń ómiri men jáne erlik joldarymen jaqynyraq tanysady alady», dedi Sanııa Qaldyǵulova.
Bul keshende psıhologııalyq jeńildetý jáne keńes berý, qoldanbaly óner, jalpy damytý mýzykalyq tárbıe berý, stılıstıka jáne dızaın otbasylyq damytý jattyǵýlary kabınetteri jumys jasamaq. Ortalyqtaǵy atqarylatyn taǵy bir basty qyzmettiń biri áıelderdiń otbasyndaǵy rólin attyrý, bolashaq analarǵa halqymyzdyń ejelgi salt-dástúrlerine saı tárbıe berý bolyp otyr.
Sonymen birge, bıyl Aqtóbe oblysynda «Baqytty balalyq shaq» atty aýqymdy baǵdarlamalyq jobany júzege asyrý belgilengen. Bul joba oblysta barlyq jaqsylyqty balalarǵa týǵyzýǵa baǵyttalǵan. Joǵaryda atalǵandaı «Analarǵa taǵzym» ortalyǵynyń qurylysy osy jumystyń jetekshi baǵyttarynyń biri. Jalpy onyń qyzmeti memleket basshysynyń «Rýhanı Jańǵyrý» baǵdarlamasyn iske asyrý aıasynda jastardy bıik adamgershilik qasıetterge tárbıeleý arqyly áleýmettik máselelerdiń sheshimin tabýdy kózdeıdi.
Temir Qusaıyn
Aqtóbe oblysy
