Almatydaǵy Pedıatrııa jáne balalar hırýrgııasy ǵylymı ortalyǵynda qaladaǵy «Alǵabas» aýdanynan baspanaly bolǵan 8 qyzmetkerdi ujymy quttyqtap, qýanyshtaryn eseledi. Kópten kútken qýanyshtarymen ortalyq ujymy men basshylyǵy, barsha áriptesteri men dostary quttyqtap, izgi nıet tilekterin bildirdi.
«Jańa páterge qol jetkizgen ortalyq qyzmetkerlerin qýanyshtarymen quttyqtaımyn! Medısınalyq mekemeler ishinde bizdiń ortalyqtyń qyzmetkerleri eń kóp páter kiltine ıe boldy. Taǵy bir qyzmetkerimizdiń ótinishi qaralýda. «Nurly jer» baǵdarlamasy dárigerlerdiń baspana máselesin sheship qana qoımaı, elimizdiń kadr áleýetin arttyrýǵa septigin tıgizeri sózsiz», dep aǵynan aqtaryldy ǵylymı ortalyqtyń jetekshisi Rıza Boranbaeva.
Páter kiltine arnaıy irikteý boıynsha kóp jyldan beri medısına salasyna ómirin arnap, ólsheýsiz úles qosyp kele jatqan bilikti dárigerlermen qatar, jas mamandar da ıe boldy. Jyldar boıy jańa qonysty kútken dárigerlerdiń qýanyshynda shek joq.
Aınash ESALI,
«Egemen Qazaqstan»
ALMATY
