Bul rette qazaq dalasynyń batys óńirin mekendegen Tileý Batyrdyń Ońtústik óńirdegi Saıram qalasynyń túbinde jońǵar-qalmaq shapqynshylarymen bolǵan shaıqasqa oılanyp jatpastan attanýy – qazaq jeriniń tutastyǵyn kókseýden týǵan márt qadam edi.
Ol jalǵyz emes edi. Artynda on bes myńnan asyp túsetin qalyń qoly men sarbazdary, balasy men baýyry bar ekenin tarıhı derekter aıǵaqtaıdy. Olar Saıram túbinde jońǵar shapqynshylaryna tuńǵysh ret kúırete soqqy berip, jeńiske jetedi. Áıtse de esil er osy surapyl shaıqasta mert bolady. Aıtaıyn degenimiz Q.Jubanov atyndaǵy Aqtóbe óńirlik memlekettik ýnıversıtetinde Tileý Aıtuly men onyń týǵan baýyry Qabaq Aıtulyna arnaıy kabınetter ashylǵany.
Munda qos tarıhı tulǵanyń ómiri men órligi, erligi men keńigi jóninde mol maǵlumattar jtnaqtalǵan. Ata-babalarymyz bilektiń kúshimen, naızanyń ushymen ustap qalǵan qazaq jeriniń ár súıem synyǵy bárimizge qymbat. Eldiń batysy men shyǵysy, ońtústigi men soltústgi demeı, qazaq jeriniń tutastyǵyn kóksep, qandy shaıqasta mert bolǵan Tileý men Qabaq sekildi tarıhı tulǵalardyń emes búigingi urpaqty el men jerdi sheksiz súıe bilýge, ony qorǵaýǵa qashan da ázir bolýǵa úndeı alaryn anyq. Olardyń rýhyna arnalǵan qos kabınetti ashýdaǵy basty maqsat ta osyndaı ómirsheń oıdan bastaý alady. Kabınetterdiń ashylý rásimi kezinde Aqtóbe óńirlik memlekettik ýnıversıtetiniń rektory Baýyrjan Erdenbekov oı oramyn osy arnadan tarqatty.
Týǵan jerdi súıe bilý ári aıalaý men qurmetteý, oǵan degen perzenttik sezim men mahabatty tutastaı týǵan elge degen súıispenshilikke ushtastyra bilý Memleket basshysy belgilep bergen rýhanı baǵdarlamanyń basty arqaýy.Osy turǵyda óńirdegi joǵary oqý ornynda tarıhı tulǵalarǵa arnalyp ashylǵan kabınetter Elbasy qaǵıdatyn naqty mysaldar sheńberinde odan ári tereńdete túseri haq.
Temir Qusaıyn,
«Egemen Qazaqstan»
AQTО́BE
