Rýhanııat • 01 Naýryz, 2018

Túrki akademııasy 2018 jyldy «Maǵjan jyly» dep jarııalady

343 ret
kórsetildi
1 mın
oqý úshin

Bul týraly búgin Túrki akademııasy halyqaralyq uıymynyń (TWESCO) basshysy Darhan Qydyráli Ortalyq kommýnıkasııalar qyzmetinde ótken brıfıngte málimdedi.

Túrki akademııasy 2018 jyldy «Maǵjan jyly» dep jarııalady

Qazaqtyń kórnekti aqyny, Túrki áleminiń tegeýrindi tulǵasy Maǵjan Jumabaevtyń týǵanyna bıyl 125 jyl tolady. Akademııa osyǵan oraı Túrkistan ıdeıasyn tý etken aqynnyń shyǵarmalaryn shet tilderge aýdaryp, basyp shyǵarýdy qolǵa aldy.

Atap aıtqanda, Akademııanyń ǵylymı jobasy aıasynda klassık aqynnyń shyǵarmalaryn ózbek tiline belgili aqyn Mýzafar Ahmad, mońǵol tiline aqyn-aýdarmashy Júkel Hamaı, altaı tiline shyǵystanýshy ǵalym, aqyn Brontaı Bedıýrov, ázerbaıjan tiline Fýzýlı Madjıdlı aýdara bastady. Budan bólek, Maǵjannyń jyrlaryn qyrǵyz, majar tilderine aýdarý josparlanǵan. Aıta keterligi, byltyr Akademııa Mahambettiń shyǵarmalaryn mońǵol tiline aýdaryp, basyp shyqqan bolatyn.

Sonymen qatar, brıfıngte TWESCO-nyń Túrki yntymaqtastyǵy uıymdarymen birlesip jyl boıyna aqynnyń ómiri men ádebı murasyna arnalǵan is-sharalar ótkizýdi josparlap otyrǵany jóninde aıtyldy.

Sońǵy jańalyqtar

Tarazda bir ana eki balasyn terezeden laqtyryp jiberdi

Tótenshe jaǵdaı • Búgin, 12:50

Astana qalasynyń prokýrory aýysty

Taǵaıyndaý • Búgin, 11:35