Konserttiń ashylýynda sóz sóılegen Qazaqstan Respýblıkasynyń Memlekettik hatshysy Gúlshara Əbdiqalyqova Prezıdent Nursultan Nazarbaevtyń Alǵys aıtý kúnin merekeleýge arnalǵan quttyqtaý sózin oqyp berdi.
«Búgin biz barshamyzǵa ortaq mereke – Alǵys aıtý kúnin atap ótip otyrmyz.
Osynaý aıtýly kúni qıyn-qystaý synaq jyldarynda adamgershilik pen ımandylyq ústemdiginiń jadymyzda bolýy Qazaqstan halqyn biriktiredi.
Meıirimdilik, ózara kómek jáne bir-birine degen qurmet qazaqtyń kıeli topyraǵynda kúlli qazaqstandyqtar kózdiń qarashyǵyndaı saqtaıtyn ári maqtan tutatyn dostyq pen ózara túsinýshiliktiń biregeı atmosferasyn qalyptastyrýǵa múmkindik berdi.
О́z otandastarymyzǵa jáne týǵan ólkege degen kirshiksiz alǵys sezimi bul merekege erekshe tereń maǵyna beredi.
Sondyqtan Alǵys aıtý kúniniń basty máni – tarıhı jadyny saqtaý, urpaqtar sabaqtastyǵy men irgesi berik negizdegi el birligin nyǵaıtý bolyp tabylady.
Búkil qazaqstandyqtardy Alǵys aıtý kúnimen shyn júrekten quttyqtaımyn!
Sizderge baq-bereke, beıbit ómir jáne tabys tileımin!», delingen Prezıdent hatynda.
Gúlnur Qýanyshbekqyzy,
"Egemen Qazaqstan"
