Parlament Senaty Qarjy jáne bıýdjet komıtetiniń keńeı­til­gen otyrysy ótti

Atalǵan komıtettiń otyrysynda «Qazaqstan Respýb­lı­kasynyń Úkimeti men Belarýs Res­pýb­lıkasynyń Úkimeti arasyn­daǵy 1997 jylǵy 11 sáýirdegi Tabys pen múlikke qosarlan­ǵan salyq salýdy boldyrmaý jáne salyq tóleýden jaltarý­ǵa jol bermeý týraly Qazaq­stan Respýblıkasynyń Úkimeti men Belarýs Respýblı­ka­­synyń Úkimeti arasyndaǵy keli­­simge ózgerister men tolyq­ty­rý­lar engizý týraly hattamany ratı­fıkasııalaý týraly» zań jobasy qaraldy. 

2016 jylǵy 16 naýryzda Mınskide qol qoıylǵan Hattama salyq tóleýden jaltarýǵa jol bermeý jáne qosarlanǵan salyq salýdy boldyrmaý maqsatynda salyq salý máseleleri boıynsha aqparat almasý arqyly eki eldiń salyqtyq qurylymdarynyń yntymaqtastyǵyn keńeıtýdi kóz­­deıdi. Qujatpen «Qazaqstan» de­gen termınge ózgeris engizildi, son­­daı-aq qoldanystaǵy zań­na­ma­ǵa sáıkes Kelisim qolda­ny­la­­tyn salyqtardyń ataýlary naq­ty­landy.

Sondaı-aq «turaqty meke­me» degen termın barlaý júr­gi­zýdiń birinshi kúninen bas­tap ta­bıǵı resýrstardy barlaýdan tú­setin tabystarǵa salyq salýǵa múm­kindik beretin mátinde jazyldy. Odan basqa, elimizdiń eko­no­mıkalyq múddelerin qorǵaý maq­satynda aksııalardy, qatysý úlesterin ótkizý kezinde jekelegen tabystarǵa paıyzdar, roıal­tı, qun ósimi bóliginde salyq salý máselelerin qaıta qaraýǵa baılanysty ózgerister engizildi.
Zań jobasy Palatanyń qa­raý­yna jiberildi.