- Aýrýlardy erte dıagnostıkalaý máseleleri tutastaı alǵanda aımaq úshin de, jalpy el úshin de ózekti bolyp qala beredi. Osyǵan baılanysty Ońtústik Koreıanyń tájirıbesi men eń aldyńǵy qatarly tehnologııalaryn eskere otyra densaýlyq saqtaý júıesin damytýda qyzyǵýshylyq tanytyp otyrmyz. Biz sondaı-aq, osy jobany iske asyrýda jáne joǵary bilikti jumysshylardy daıyndaýda qoldaý kórsetetinińizge senemiz,-dedi kelissóz kezinde Berdibek Saparbaev.
О́z kezeginde professor Kvang Výng Lı Ońtústik Koreıalyq mamandar tobynyń Aqtóbege osy maqsatta arnaıy kelgendigin atap ótip, atalmysh máselege qoldaý kórsetýge daıyn ekendigin bildirdi.
- Kem degende alǵashqy eki jylda mańyzdy dárigerler - Ońtústik Koreıanyń mamandary bolady,-dedi ol.
Ortalyq qurylysy kelesi aıda bastalmaq. Jobany 2019 jyldyń birinshi jarty jyldyǵynda aıaqtaý josparlanyp otyr.
Zamanaýı dıagnostıkalyq ortalyqty qurýdaǵy negizgi maqsat – túrli aýrýlardy erte jáne ýaqytynda anyqtaý, medısınalyq týrızmdi damytý, Aqtóbe oblysyndaǵy mamandardyń biliktilik deńgeıin kóterý, dıagnostıkalaý men emdeýdiń zamanaýı ádisterin engizý. Qazaqstanda alǵash ret Koreıa medısınasynyń kóshbasshysy – Seýl ulttyq ýnıversıtetiniń gospıtalimen rastalǵan halyqtyń densaýlyǵyn keshendi baǵalaý boıynsha álemdik standarttarǵa jaýap beretin zamanaýı ortalyqtyń úlgisi usynylmaq.
