Bul jarystyń negizgi maqsaty – elimizdegi stýdent jastary arasynda sportty nasıhattaý, stýdentterdiń dene tárbıesi men densaýlyǵyna áser etý, otansúıgishtikke tárbıeleý jáne ulttyq quramaǵa úmitkerlerdi daıyndaý.
Ashylý saltanatynda Pavlodar oblysynyń ákimi Baqaýov Bolat Jumabekuly: «Bul stadıonda elimizdiń jetekshi joǵary oqý oryndarynyń myńdaǵan ókilderi jınalyp otyr. Sizderdiń aralaryńyzda bolashaq olımpıadashylar men álemdik saıystardyń jeńimpazdary bar. Pavlodar oblysy qazirgi tańda sport salasyna úlken qyzyǵýshylyq tanytýda. Bolashaqta, aq Olımpıadanyń chempıondary shyǵady degen senimim mol», - dedi Pavlodar oblysynyń ákimi.
Atalmysh shara 1 saǵatqa jalǵasty. 2500 jankúıeri bar «Astana» muz saraıynyń ortalyǵy ádemi kómkerilip, kelgen qonaqtardyń kóńilderinen shyqty. Ashylý saltanatynda ár oqý oryndarynyń komandalary dástúrli sherýmen bastady.
Pavlodar qalasynda ótip jatqan Qazaqstan Respýblıkasy VII qysqy Ýnıversıadacynda sporttyń 11 túrinen 1600-den asa jýyq sportshy básekege túsýde.
