Atap aıtqanda, bólingen qarajat Hromtaý qalasyndaǵy ortalyq stadıonnyń kúrdeli jóndeýine, Aqtóbedegi jeńil atletıkalyq alańnyń qurylysyna, eki sporttyq-saýyqtyrý keshenine, áleýmettik jáne bilim berý mekemelerin qarjylandyrýǵa jáne ınfraqurylymdy jáne basqa da jobalardy iske asyrýǵa baǵyttalatyn bolady.
Tıisti qujatqa 3 naýryz, senbi kúni Aqtóbe qalasynda «Qazhrom» TUK eńbek ujymymen ótken kezdesý barysynda oblys ákimi Berdibek Saparbaev pen ERG toby atqarýshy bas dırektorynyń birinshi orynbasary Aldııar Qaztaev tıisti memorandýmǵa qol qoıdy. Memorandýmnyń jalpy somasy 6,5 mlrd teńgeni quraıdy.
Otyrysty ashqan Berdibek Saparbaev oblystyń 2017 jylǵy áleýmettik-ekonomıkalyq damý qorytyndylary týraly qatysýshylarǵa qysqasha baıandap ótti. Aımaq basshysy Prezıdent pen Úkimettiń qoldaýynyń arqasynda memlekettik baǵdarlamalardy iske asyrý boıynsha esepti kezeń ishinde ekonomıkalyq ósim 5%-ke óskenin atap ótti.
Ol sondaı-aq, Eýrazııalyq toptyń dırektorlar keńesiniń tóraǵasy Aleksandr Mashkevıchke óńirdiń damýyna qosqan úlesi úshin alǵys aıtty.
- «Qazhrom» TUK» AQ flagman bolyp tabylady jáne bizdiń oblystyń ekonomıkasy úshin mańyzy zor. Bul kezdesýdiń maqsaty – kompanııanyń 2017 jyly atqarǵan qyzmetiniń nátıjesin qaraý jáne bıylǵy mindetterdi anyqtaý. Aqtóbe ferroqorytpa zaýyty men Dóń ken baıytý kombınatynda 12 myńǵa jýyq adam eńbek etedi. Barlyq aqtóbelikterdiń atynan kompanııa basshylaryna, quryltaıshylarǵa kómekteri men qoldaýlary úshin alǵys aıtamyn: ótken jyly jumysshylardy qysqartý,eńbekaqy men salyqtar boıynsha qaryzdar bolǵan joq. Budan basqa, kompanııanyń arqasynda Shyǵarmashylyq akademııasy ashyldy. Búginde 5 myńǵa tarta bala túrli úıirmeler men seksııalarǵa qatysyp júr,-dedi Berdibek Saparbaev.
О́z kezeginde, Aleksandr Mashkevıch kompanııanyń áleýmettik jaýapkershiligi aıasynda oblys ákimdigimen yntymaqtastyqty odan ári jalǵastyrý nıetin rastady.
- Biz memleket basshysynyń áleýmettik jaýapkershilik týraly tapsyrmasyn qalaı oryndaǵanymyzdy maqtan tuta alamyz. Menińshe ERG kompanııasy bul baǵytta tek Qazaqstanda ǵana emes, sonymen qatar búkil álem boıynsha da kósh basynda tur. Biz Shyǵarmashylyq akademııasynda bolyp, sonda oqyp jatqan balalardy, olardyń janarlaryn, bal-bul janǵan júzderin kórdik. Árıne, keıbireýler úshin bul aqylǵa syımaıtyn shyǵar, biraq demeýshilik úlken qýanysh ákeledi», - dedi ol.
Sonymen qatar, A.Mashkevıch te oblys basshylyǵyna belsendi ustanymy úshin alǵys aıtty.
- Siz bizdi álemdik deńgeıdegi jańa áleýmettik jobalardy iske asyrýǵa yntalandyryp qana qoımaı, sonymen birge ózderińiz de qoldan kelgenniń barlyǵyn jasap, olardy iske asyrýǵa úlken úles qosasyz», - dedi ol.
Sondaı-aq, kezdesý aıasynda oblys ákimdigi, «Qazhrom» TUK» AQ jáne kásipodaqtardyń aýmaqtyq birlestikteri arasyndaǵy yntymaqtastyq týraly úshjaqty memorandýmǵa qol qoıyldy. Qujatta óndiris kólemin arttyrý, qosymsha qarajat tartý, óndiristik prosessterdi jańǵyrtý jáne sıfrlandyrý, eńbekaqyny ýaqytynda tóleý jáne jumysshylar aldyndaǵy ózge de áleýmettik mindetterdi oryndaý máseleleri boıynsha ózaratúsinisýshilik qarastyrylǵan.
Shara sońynda B.Saparbaev pen A.Mashkevıch qyz-kelinshekterdi kele jatqan Halyqaralyq áıelder kúnimen quttyqtap, kompanııanyń názik jandy qyzmetkerlerine alǵys hattar men baǵaly syılyqtar tapsyrdy.
