Kórmeniń maqsaty – Memleket basshysy N.Á. Nazarbaevtyń táýelsiz Qazaqstan qalyptasýyndaǵy sheshýshi rólin jan-jaqty kórsetý. Kelýshiler nazaryna Elbasy kitaphanasynyń muraǵat, kitap, mýzeı qorlarynan alynǵan materıaldar usynylsa, olardyń qatarynda Elbasynyń joǵary memlekettik marapattary men shet tilderine aýdarylǵan eńbekteri, otandyq avtorlardyń qoltańbasy bar kitaptary bar.
«N.Nazarbaev: dáýir, tulǵa, qoǵam» atty kóshpeli keshen kórme - «Elbasy qyzmetiniń hronıkasy» ınteraktıvti bóliminen, sıfrlyq fotoalbomdar, derektik kınohronıkany kórýge arnalǵan vıdeozona sekildi birneshe bólikten quralǵan.
Sonymen qatar, qoryq-mýzeı qyzmetkerleri Ońtústik Qazaqstan oblystyq tarıhı-ólketaný mýzeıiniń turaqty ekspozısııasymen de tanysty. «Áziret Sultan» qoryq-mýzeıiniń dırektory Ahmetjanov Nurbolat Qadyruly ólketaný mýzeıiniń pikir-lebiz kitabyna qoltańbasy men izgi tilekterin qaldyryp, barynsha jan-jaqty málimet bergen mýzeı ujymyna alǵysyn bildirdi.
